周秀娜、關楚耀、何佩瑜（Jeana）及卓韻芝等前晚於圓方出席電影《爆3俏嬌娃》首映，未知是否與緋聞男友關楚耀同場，娜姐力谷34D上圍亮相，不過見她谷胸谷到好似連唞氣也有難度！娜姐受訪時也直認呼吸困難：「都有少少唞唔到氣，同盧頌之、余曉彤夾過啲衫嘅顏色。」她表示事前沒有問關楚耀意見，並指余曉彤件衫也逼到有點爆線，自己後面拉鏈亦有逼爆感。
周秀娜前晚身穿谷胸裝於圓方出席首映，令人眼前一亮。
娜姐的孭飛作上映，前晚領軍谷戲。
原與關楚耀見家長
問到是否因為蜜運而心廣體胖？娜姐笑言最近見女仔多過男仔。至於會否拍拖睇戲？娜姐笑說：「今日會，之後會睇多幾次，支持自己部戲，原本叫咗阿爸阿媽嚟，但最後冇。」娜姐否認怕好似見家長一樣，並強調與關楚耀是好朋友，稍後會與朋友包場睇戲。
而關楚耀就大讚娜姐不斷進步，期待對方的瞓身演出，他又自爆希望該片快些出DVD，即被取笑要定格觀看，他強調希望睇3D版，所以想睇DVD，但就無意參加娜姐包場看電影的活動。對於原本可以見家長，他即說：「有啲咁嘅事？我本來都想叫阿爸阿媽嚟睇。」對於娜姐要求另一半識煮食，關楚耀即說：「我都識煮，我有自己嘅烹飪節目，咁睇吓佢得唔得閒，不過佢食齋。」
此外，對於好友陳靜（DaDa）因辭演電影《喜愛夜蒲3》而被追討賠償，Jeana愕然說：「吓，點解？唔清楚，不過我覺得件事發生咗，唔可以分好與壞，每個人都有起跌。」並指若有能力的話，也會幫助朋友。
娜姐由徐天佑（左）及關楚耀陪住出場，甚有女王feel！
Jeana着露臍裝撐場，相當搶鏡。
from:
http://hk.apple.nextmedia ... 131114/18506710
