馬國明、朱千雪及黃智雯等前晚在將軍澳一間酒樓，齊看他們有份演的無綫台慶劇《On Call36小時II》首播，吳啟華、楊怡及羅仲謙未有出席。劇中馬明和楊怡演一對，不會有第三者介入。記者笑言楊怡已名花有主，馬明竟說：「一日未結婚都可以揀。」但羅仲謙很大隻？馬明又寸他：「𠵱家仲講大隻，大隻冇用，大隻只有型。冇人一拍拖一定中，拍拖都可以係筍盤。」
馬明和朱千雪（右）及黃智雯（左）看有份演的新劇首播。
200萬人睇首播
提到朱千雪否認和陳智燊的緋聞，並認單身，叫馬明不如追求她？馬明笑謂：「最衰冇乜對手戲，可惜，少咗機會了解。」飯局完可送朱千雪回家？馬明又縮沙：「唔好咁刻意，我唔信一見鍾情，要相處舒服先開始。」他又指楊怡、李詩韻及吳啟華等欲介紹女仔給他。
前晚《On Call36小時II》平均收視有29點（約186萬觀眾收看），最高有31點（約199萬觀眾），收視算不錯，不過有網民批評劇情有犯駁如馬國明目睹撞車意外，但幾秒後傳媒車及白車即到齊。
from:
http://hk.apple.nextmedia ... 131106/18494817
