香港電視發牌無望，不少藝人挺身開聲支持「魔童」王維基，也有藝人支持明日的熄電視撐港視行動。鄧紫棋（G.E.M.）前晚在電視城擔任「2013年度TVB全球華人新秀歌唱大賽」評判，在無綫地盤的她直認想做王維基旗下員工，又力撐發牌，擺明唔畀面。
踩入電視城做嘉賓的鄧紫棋力撐發牌之餘又直認想做王維基的下屬。
（左起）亞軍段欣芮、冠軍鄭興琦和季軍馬守謙興奮合照。
「想去做員工」
G.E.M.前晚透露看過前港視廚師林健豐撰寫的「鬧爆王維基」文章，她強調支持發牌，她說：「我係支持發牌，有睇嗰篇嘢，睇完我都想過去做員工，啲福利好好咁。」不過對於熄電視，她自言已甚少看電視，覺得不是太多選擇。看到民間特首劉德華撐發牌，G.E.M.覺得以劉德華的地位，講一句說話的號召力和影響力已經好大，她說：「佢將心中講嘅嘢講出嚟，唔使驚有乜後果，如果自己覺得應該要支持就會講，我入行得幾年，未必每件事都有經驗，我係啱就會做，應該支持就會講，所以咪多是非。」另前晚比賽的冠亞季軍分別是鄭興琦、段欣芮和馬守謙。
from:
http://hk.apple.nextmedia ... 131029/18483572
