黃美棋BB石仔陳宇琛撐枱腳密斟

被高登仔追捧為女神嘅黃美棋BB，最近喺fb慰問王維基間香港電視嘅員工，得到好多人畀like佢。近日佢同石修個仔陳宇琛（石仔）幫香港電視合作拍咗套劇，仲飾演兄妹，因為咁佢哋開始熟絡。前日美棋BB同石仔工作完後，就同埋經理人去咗大坑間Classified西餐廳開餐。

笑到咔咔聲

着住黑色連身短裙嘅美棋BB揀咗一個近門口嘅位坐，之後各自叫嘢食。雖然有經理人在場，美棋BB同石仔依然傾得好投契，石仔不時𠱁到美棋BB好開心，當眾笑到「咔咔」聲，着短裙向住街外嘅美棋BB換腳蹺嘅時候就春光無限，好彩都冇走光。

餐飯由夜晚7點食到8點半，石仔好有風度請客埋單。之後石仔發現有記者影相，仲好大方同美棋BB一齊接受訪問，石仔話：「雖然政府唔發牌畀香港電視，但依然好樂觀，不過未決定今日會唔會去政總示威。」傾完偈，石仔同美棋BB各自坐返自己部車離開。

採訪、攝影：畢紹基、徐錦池

美棋BB同石仔好啱傾，佢蹺腳呢幕更令人諗起《本能》中莎朗史東嘅經典場口。

托住腮嘅美棋BB動作多多，迷死宅男。

美棋同石仔分開車離開。

離開時，着短裙嘅美棋露長腿，石仔就同記者揮手。
from:http://hk.apple.nextmedia ... 131020/18471073

雖然香港電視未獲政府發免費電視牌照，但旗下藝員黃美棋同黃芷晴都唔愁無工作，最近佢哋就為賽馬會拍攝特輯《放眼馬世界》，節目仲會喺亞洲高清台同有線電視播放，大家就可以見到佢哋。童星出身嘅美棋BB，演出經驗豐富，但佢話做主持就真係新丁一名：「其實公司一直有鼓勵我作多方面嘗試，亦畀咗好大自由度我，今次能參與呢個節目，作多方面發展，真係好開心！」

版主：陳基征
from:http://hk.apple.nextmedia ... 131029/18483451

【C女郎】

港視因不獲發免費電視牌，旗下藝人面臨失業，蕭定一將開拍改編自網絡小說《壹獄壹世界》的黑色喜劇《高登闊少踎監日記》，請來港視藝人黃美棋、郭鋒、艾威和張松枝參演，總算有工作機會降臨。該片監製蕭定一前晚到灣仔出席活動時，他表示覺得他們情況可憐，所以給予機會，酬勞方面，他說：「盡量闊綽，希望年底開戲，過咗年都會開新戲，張智霖做主角，仲搵緊其他演員，港視員工會優先。」

黃美棋前晚到灣仔出席活動，對於有份演出新戲，她承認因港視事件帶挈：「雖然公司冇牌，但工作不斷，好開心，噚晚太開心，因為知有機會拍電影，開心又緊張。」同場的黃芷晴亦是港視人，她暫主力時裝工作，老竇黃日華未有很擔心。

採訪：譚倩宜、何慧斯
from:http://hk.apple.nextmedia ... 131102/18489608

美棋BB對電視行業充滿熱誠。

「有冇見過我張成績表呀？」看似是鬼片的對白，卻是一眾香港電視員工及老闆王維基的心聲。面對茫茫的前路，童星出身的黃美棋雖然未至於絕望，但失望跟痛恨之情，在訪問中表露無遺，更黯然落淚。黃美棋的命運，就如回歸前一班少年殺人犯一樣，等候梁振英發落。

「沒有得到一張成績表，死因未明。」是大眾關注政府增發免費電視牌照黑箱作業的心聲，仍在港視面對灰色日子的藝員期盼轉機，雖然徬徨，但絕不後悔加入王維基旗下，有所不滿的是被政府扼殺了夢想以及對社會政策的失望。

童星出身的黃美棋在美國修讀經濟畢業後，看準港視比其他電視台機會多，她說：「如果喺無綫，同年紀大有人在，未必揀到我。」她懷着滿腔熱血重返娛樂圈，女大十八變的她回流後被宅男封為美棋BB，不過沒有做錯一件事，亦沒有觸犯法律，命運卻落得如當年回歸後，等候董建華發落的少年殺人犯，目前正等候梁振英發落，或者司法覆核是她的另一條救命草。她在港視期間先後完成四套劇集，理想與夢想同時實踐，事到如今要接受殘酷現實，美棋作好心理準備：「當初目標畀自己三年時間睇吓有冇成績，要實現夢想幾年係好短，但𠵱家希望唔使轉行。」

童星出身的黃美棋表情多多，古靈精怪。


團結力量爭發牌

日前美棋受訪時談及去向和公司關係時，不禁黯然落淚說：「𠵱家做到嘅比想像中更多，如果個天係時候攞番，我都OK，公司上下，經理人幫我做咗好多嘢，好多人做呢行兩年都未必有我咁幸運。一日劇集未出街，都好難令人信服，你見到公司同事同心協力去幫大家，呢份人情味係我最感觸，大家好團結去爭取發牌，啲人成日話香港人自私，今次件事畀我睇到團結兩個字，每個人都行出嚟撐老闆，士氣十足，自己都嘆為觀止。」面對曲終人散，難以掩飾傷感，美棋繼續哽咽：「最慘係睇到，又幫唔到忙，有人要養家，有人雄心壯志以為有作為，每個人都有自己嘅故事，巿面上突然多咗三百幾位同業，我想身邊人搵到嘢做。」

在美國修讀經濟後，美棋BB重返娛圈卻遇阻滯。

加入港視後，美棋BB已連拍四劇，可惜大家仍未能欣賞到其作品。

小時候美棋BB曾與周星馳合作拍攝《行運一條龍》。

望港劇突圍而出

美棋為家中孻女，仍有哥哥家姐肩負家庭擔子，壓力反而在於向父母交代，她說：「當初我堅持做呢行，想話畀父母聽我冇揀錯，呢段時間屋企人反過嚟安慰我唔好擔心，件事仍然係未明朗化，我知自己唔會生存唔到，最壞打算咪轉行囉！我可能係復出後最快收山嘅藝人。」不過美棋與大眾一樣想尋求公義和答案，她說：「希望政府講畀大家聽原因，𠵱家係不明不白，等緊一個交代，要死都有個死因。」

過往因為一台獨大，選擇近乎零，現在多發兩個免費電視牌照落在有線和now，美棋歡迎同業競爭，她說：「希望佢哋都做到高質素節目提供大家多啲選擇。」港人追港劇熱潮早已減退，製作水平常被狠批，美棋作為新一代藝人對電視業界質素日漸下降感到惋惜，她說：「近年香港人都睇日、韓劇，自己都有啲心酸，點解唔可以係人哋追我哋啲劇，而係我哋不斷追外國劇去睇，作為藝人好想令到劇集衝出香港，但我哋能力有限，𠵱家仲面臨冇劇拍，都唔知點好。」港視牌照風波擾攘近兩個星期，美棋暫時拍劇工作全面停頓，幸好仍有主持及外來活動幫補，最近亦獲邀拍電影，但現時境況分分鐘成壓價目標，美棋說：「預咗，自己認為保持曝光率最緊要。」

鞋履：AME shopame.com
化妝：Waiii Chan
from:http://hk.apple.nextmedia ... 131103/18490667

（前左起）黃美棋、姜麗文和姜文杰等人拼成「最大型人造遊戲控制器」，成功挑戰世界紀錄。

港視不獲政府發牌，前途不明朗，幸旗下藝人黃美棋、姜文杰和姜麗文頻頻有工作，大前晚獲遊戲商PlayStation邀請參加「PS4黑夜行動」，大會安排了共260名香港機迷在機場博覽館外空地拼成「最大型人造遊戲控制器」，眾人由入場到排位只花了1小時8分鐘，成功挑戰健力士世界紀錄，美棋BB、姜文杰和姜麗文等都有份參與，與機迷排排企。

美棋BB獲安排參演的港視劇雖停拍，但她出席活動賺外快機會不減，稍後又獲邀電影《高登闊少踎監日記》做女主角，美棋BB昨日在電話中說：「今次活動好開心，我同姜文杰同姜麗文又同經理人，大家有傾有講，一齊參與破紀錄。」美棋BB表示平日愛打機，她說：「喺外國讀書有揸車，但返嚟香港路太窄，我得閒就打賽車game追求刺激。」
from:http://hk.apple.nextmedia ... 131104/18491838