黃美棋用腳餵自己飲朱古力奶嗰時，大晒腳趾甲圖案。微博圖片
回復自由身嘅黃美棋，周一喺facebook專頁同fans玩「一日一任務」，叫fans提議有創意嘅嘢，邊樣嘢最多like，佢會接受挑戰！噚日佢喺fb po片找數，見佢用USB線綁住對腳同一支朱古力奶，再用腳捧實個玻璃樽餵自己飲晒啲朱古力奶全部飲晒，雖然搞到個身成隻「攣公蝦米」咁，姿勢實在有點豪邁，畫面確係好搞笑，而且美棋仲大晒腳趾甲圖案㖭，網民似乎都好like呢個找數行動，留言讚佢話：「好叻叻呀、好得意！」跟住美棋留言問大家仲有冇提議，不過暫時未見再有創意嘢出現！
另一方面，美棋噚日去咗柴灣，為雨僑首新歌《糖衣》同何浩文（Dominic）拍微電影，雨僑話Dominic喺戲入面好衰，俾佢揭發玩三角戀。美棋都話幸好未試過感情被騙，只係試過同一時間被兩個男仔追求。
黃美棋應粉絲要求，綁住對腳同一支朱古力奶，再餵自己飲，搞到成隻「攣公蝦米」咁。
唔會放棄成個森林
美棋話：「兩個同一時間鍾意我，覺得好煩，兩個都冇揀。」美棋話就算同一時間同朋友鍾意埋同一人，都會選擇離開，唔會為一棵樹放棄成個森林。
撰文：馮仁昭
馮仁昭
from:
http://hk.apple.nextmedia ... 150305/19063570
