談魔童電視夢碎張智霖：不可思議

1^# 大中小 young 發表於 2013-10-18 13:32 發短消息

相關主題: 張智霖

王維基為首的港視不獲政府發免費電視牌照，電視藝人昨有不同意見，張智霖昨在金鐘出席Cabbeen活動時說：「一睇到消息覺得不可思議。」對無綫更有利？他說：「我係TVB一份子有兩個感覺，演員想喺TVB拍劇，另一身份係觀眾。」苗僑偉昨在尖沙嘴說：「王生投放咁多資源係有誠意，有啲可惜。」至於裁員，他說：「生意角度係要，冇理由燒銀紙。」

黃翠如昨在北角說：「有朋友話面臨失業，有啲一家大細。」陳百祥昨出席無綫記者會時說：「冇話可惜，呢兩間公司（有線、電盈）好有經驗，市價以百億、千億計，做電視唔係講緊十億、八億，呢兩個台先係無綫最大競爭對手。」他建議港視將製作賣給其他電視台。有線出身的陳貝兒擔心被裁的同業。森美也有獨特見解：「我支持買港視股票，咁多人支持個個買，可能令佢哋夠資金買亞視個牌。」

採訪、攝影：溫敏芝、林嘉慈、藍文浩
from:http://hk.apple.nextmedia ... 131017/18466703

廷伸閱讀/相關主題推介:

相關主題:張智霖

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-10-22 02:11 發短消息

張智霖呂良偉鬥嫩

張智霖（右）自爆小學已看《上海灘》，盛讚呂良偉是真正防腐男。

張智霖（Chilam）、呂良偉夫婦、蕭定一夫婦前晚現身鴨脷洲盆菜宴活動，Chilam在台上獻唱《歲月如歌》，大受小朋友及師奶粉絲歡迎，他接受訪問時也承認：「吸納咗五、六歲嘅粉絲，𠵱家我變咗米奇老鼠，係全能。」Chilam與呂良偉同席，更笑言對方才是真正防腐男：「佢個樣真係後生過我，我同佢都相差幾多，我讀緊小學睇佢做《上海灘》，同佢合拍過《極度重犯》，拍得好開心。」Chilam透露今日會去麗江，為太太袁詠儀拍攝嘅《龍門鑣局》客串：「我係義工冇收酬勞，我飾演武功高強嘅人，會挑戰佢。」提到靚靚在《最佳女主角》表示不懂溫柔，只懂體貼，他表示：「我返咗國內未睇，都唔係，佢喺適當時候都有溫柔一面。」
from:http://hk.apple.nextmedia ... 131021/18472119

TOP

3^# 大中小 young 發表於 2013-10-29 12:16 發短消息

張智霖集郵黐發哥

無論普通市民或者名人明星，每逢遇到發哥周潤發，都係集郵嘅好時機！張智霖噚日成功集郵，喺微博上載咗同發哥合照，仲留言話：「今日很高興遇見偶像發哥，謝謝你在工作上的提點，我一定會繼續努力！」發哥每次出現都能夠振奮人心，難怪成為眾人心目中嘅偶像！而因為《衝上雲霄II》爆紅嘅張智霖同吳鎭宇，日前就齊齊現身貴陽出席品牌活動搵真銀。
from:http://hk.apple.nextmedia ... 131029/18483421

TOP

4^# 大中小 young 發表於 2013-11-27 19:16 發短消息

張智霖與魔童共浴

張智霖表示和魔童自少一同洗白白。

昨午張智霖（Chilam）到九龍灣出席活動，他提到已開始為明年參加的10公里長跑比賽練習：「操咗幾日，唔覺得辛苦，都幾OK，教練話我會喺理想時間完成到。不過因為工作多，唔係100%訓練，所以盡力啦。」

Chilam又談到與囝囝魔童的親子樂說：「環保係世界好重要課題，我都教小朋友從小處做起，要佢珍惜食物，又會同佢一齊浸浴。」問到魔童可有對身體結構感好奇？Chilam說：「唔會喎，細細個已經一齊沖涼，佢已經好習慣。」Chilam稱會捐出舊衣服，又會捐款予環保機構，指終極目標希望將座駕更換為電能驅動汽車，不過首要條件是解決充電問題。
from:http://hk.apple.nextmedia ... 131127/18525427

TOP

5^# 大中小 young 發表於 2013-12-3 17:53 發短消息

張智霖開騷捱刀鋸

Chilam預告明年暑假檔將會喺紅館舉行個唱。

張智霖（Chilam）今年9月過檔蕭定一旗下中國3D數碼娛樂有限公司，佢想喺電影同樂壇上再展拳腳，Chilam前年喺紅館舉行咗兩場演唱會，佢食髓知味，明年7月頭會再殺入紅館，有指Chilam呢次準備開三場，製作費仲會高達500萬。

張智霖（Chilam）今年9月過檔蕭定一旗下中國3D數碼娛樂有限公司，佢想喺電影同樂壇上再展拳腳，Chilam前年喺紅館舉行咗兩場演唱會，佢食髓知味，明年7月頭會再殺入紅館，有指Chilam呢次準備開三場，製作費仲會高達500萬。

Chilam好緊張演唱會構思，唔排除玩魔術被鋸成兩截，飄浮半空唱歌。

半空飄浮

Chilam獲悉檔期扑槌後即開始構思，佢噚日喺電話度話：「7月係暑假，同學們放暑假，我希望演唱會好似派對一樣，大家入嚟有魔幻感覺。我初步構思玩刀鋸美人，小型魔術變畀屋企人睇，要變畀成萬觀眾睇嘅話，一定要大型啲。」Chilam會想鋸邊位美人？佢改口話：「不如都係我俾人鋸，分開兩截，我飄住半空同大家唱歌。」佢仲賣關子話會碌卡邀請神秘嘉賓撐場，包保觀眾有驚喜。

Chilam稍後仲會錄製新唱片，預計明年初推出，會翻唱多首經典金曲，包括陳奕迅嘅《歲月如歌》、梁朝偉嘅《你是如此難以忘記》、草蜢嘅《永遠愛着你》等，單係呢啲金曲版權費已花約50萬，Chilam仲話翻唱別人嘅歌唔怕貨比貨：「《歲月如歌》出嚟口碑令我有信心，我包保令原唱者唔失禮啦！」
from:http://hk.apple.nextmedia.com/entertainment/art/20131130/18530149

TOP