宣誓嗌驚李蕙敏孖老公死忍唔喊

現年43歲的李蕙敏（Amanda）下嫁英籍老公Serge Micallef，於英國時間6號在倫敦一棟200年歷史的古堡舉行婚禮，Amanda穿着自己設計的古典婚紗出嫁，晚上換了英國崩后設計師Vivienne Westwood的紫色低胸晚裝跟老公切結婚蛋糕。

李蕙敏着上Vivienne Westwood的低胸晚裝，依偎着老公切結婚蛋糕。

獨家情歌伴舞

Amanda昨在英國接受本報記者電話訪問，她說：「搞掂晒啦，𠵱家心情輕鬆又舒服。」Amanda謂出嫁前一晚失眠，朝早6時起床準備，感謝天公造美沒下雨；由於Amanda是孤兒，故請了好友黃偉文做代父送她出嫁，行禮時有否感動流淚？她說：「自己有幾次想喊，但死忍同自己講要冷靜。」問老公有否講愛的宣言？她靦腆說：「都係基本嘢，老公幾次好感動想喊，但都忍住。」

李蕙敏和老公領跳第一支舞，音樂用自己唯一一首英文歌《If this isn't love》。

黃偉文擔任代父送好友出嫁，令李蕙敏十分感激。

李蕙敏穿上自己設計的A line款式婚紗，伴娘關寶慧（左）幫忙整理。

婚禮在下午2時舉行，Amanda指髮型師Roy幫她整頭紗時，自己心情起伏激動，她說：「唔喺香港行禮有少少緊張，後來化妝師Kenneth上台致辭，講咗一首父女愛嘅詩，搞到好多人喊。」Amanda還自爆宣誓的瘀事：「因為冇綵排，原來啲字好深，自己讀吓有啲驚，我唔鍾意綵排，唔係做騷想真摯啲。」

晚上舉行婚宴派對，一對新人領跳第一支舞，Amanda揀了自己唯一一首英文歌《If this isn't love》做伴曲，她說：「呢首係情歌，當年身痕錄英文歌，估唔到婚禮可以用，呢刻好獨家，播自己英文歌，着自己設計婚紗，想婚禮多啲回憶。」
from:http://hk.apple.nextmedia ... 131009/18455314

剛喺倫敦完婚嘅李蕙敏（Amanda），噚日孖住英籍老公Serge Micallef返港。二人約5點幾出閘，Amanda戴住鑽石婚戒，另戴上紫色皮革手帶，原來係老公送嘅生日禮物。記者仲要求二人合照，但Serge怕醜扭擰，最後Amanda獨力應付：「未得閒去honeymoon（蜜月）。」婚禮有乜愛的誓辭？佢笑言：「都係嗰啲，婚禮喺玻璃屋舉行，佢忍唔住喊，講咗好多好感動、好真摰嘅說話，唔係太戲劇性，大家都眼濕濕。Wyman（黃偉文）好多細節令我感動，讀完誓辭畀咗個hug（擁抱）我，千言萬語。」

新婚嘅Amanda戴住鑽戒，同老公拍拖返港。李蕙敏對好友Wyman喺婚禮充當代父，十分感動。

香港補擺酒

Amanda考慮喺香港補擺喜酒，問到生育大計，佢就話：「話嚟就嚟，有就有，冇乜嘢所謂，有時見到BB衫都想買，順其自然。老公鍾意仔多啲，女仔大個多嘢煩。」佢表示會喺香港定居：「好唔捨得佢啲屋企人，見到佢哋好幸福，自己都好開心。」
from:http://hk.apple.nextmedia ... 131012/18460399

現年43歲的李蕙敏（Amanda）於英國時間6號在倫敦嫁給英籍老公Serge Micallef，前日Amanda與丈夫回港後，昨日向傳媒發放一輯當日結婚的相片，Amanda穿着自己設計的古典婚紗出嫁，她坦言當日因天公造美沒有下雨，所以令她心情很好，至於婚後會否專心做家庭主婦？她說：「我唔會退出娛樂圈，會繼續工作。」
from:http://hk.apple.nextmedia ... 131013/18461446