譚詠麟、李克勤將於12月上旬舉行演唱會發放和睦相處正能量，日前兩人走勻港島區玩「快閃」送驚喜。阿倫笑言最難忘突擊一對新人，因為新郎樣子又驚又喜，喜的是見到兩位巨星，但又擔心要付天文數字酬勞給二人。
阿倫（左）克勤將於十二月開騷，希望用歌聲發放正能量鼓勵港人。
阿倫、克勤將於12月6日至11日假紅館舉行一連六場「左麟右李十週年香港有聲音演唱會」，演唱會門票今日開始作信用卡優先訂票。前日「麟李」拍攝宣傳演唱會的「左麟右李左Friend右Band大派對」音樂特輯，走勻港島鬧市向粉絲送驚喜兼送禮，被揀中的幸運兒只要唱出「左麟右李」其中一首經典歌曲，即可獲錄影音樂特輯的入場券，繼續跟兩位巨星作近距離接觸。
師奶輪住錫
當日「麟李」分別到訪金鐘婚姻登記處、灣仔街市、碼頭、「左麟右李」粥麵店、電車站等，從未試過玩快閃的阿倫稱最難忘是到婚姻登記處突擊一對新人：「新郎哥仲以為啲兄弟姊妹夾晒玩佢，佢真係又驚又喜。喜當然係見到我同克勤啦，驚就係怕要畀錢，佢不斷大叫：『邊個請佢哋嚟？呢單嘢玩到咁大，我唔畀錢o架！』嗰啲真情流露好好笑。」
難得有巨星參與婚禮，一對新人及來賓當然誠邀兩人影大合照。
「麟李」突擊魚檔，獲檔主熱情款待。
阿倫與市民又唱又跳，打成一片。
問阿倫出席婚禮的酬勞多少？他笑言從不接此類工作，就算有人一擲千金亦不為所動：「玩、戥人高興就可以。」阿倫又指觀禮的來賓最興奮，更被師奶排隊錫。他說：「嘩！啲師奶咀到好似啄木鳥咁呀！」問可覺得蝕底？習以為常的阿倫笑謂：「冇所謂，最緊要大家開心。我見到佢哋呆一呆，被我哋嚇親個樣唔知我哋係真係假時，我哋都好開心。」
克勤嗌開心
阿倫又稱開騷目的希望提升港人的正能量，近年港人的開心被不快事掩蓋才多怨氣，希望今次他和克勤化身「和睦相處」和「開心快樂」，將自己的樂天感染力傳給港人。克勤亦稱很開心零距離接觸香港市民。
from:
http://orientaldaily.on.c ... /00282_014.html
