吳千語、周柏豪、岑麗香和傳嘉莉等，前晚到尖沙嘴出席i.t時裝活動，穿上低V西裝谷胸騷事業線及長腿的傅嘉莉，最為性感，千語穿cropped top及短裙露小蠻腰，自言安全不用打底。
傅嘉莉穿西裝褸低V谷胸騷長腿，成為最性感的嘉賓。
露腰唔怕走光
千語說：「性感呢方面好保守，check咗睇唔到嘢，露一截腰，平時影相可以性感啲，自己好大意，出活動驚走光。」記者問到男友林峯會否禁止她性感，她說：「不嬲都唔性感，自己底線高，佢都信任我，我最性感只係試過金像獎試衫着deep V，睇番都尷尬。」
問到拍電影會否可以較性感，千語說：「未試過，泳衣都可以試，試過着冇帶bikini驚甩出嚟，性感唔係自己範疇。」
千語自言保守，僅以短裙露出小蠻腰打扮示人。
周柏豪和香香分別以骷髏頭和格仔作主題的潮服出席活動。
緋聞攝石林德信擺出大動作拍照，表現鬼馬。
柏豪想遇AV男
周柏豪提到與日本AV男優樣貌相似，他表示友人給了該AV男優的片段讓其欣賞，他說：「朋友都覺得好好笑，不過喺我面前唔敢提，我係成年人睇過條片，冇人能夠似到我，佢大隻，身形好，我同髮型師講，佩服佢做運動時，set到個頭咁高，好專業，祝佢事業興旺，如果佢嚟香港，我都想會吓佢。」
from:
http://hk.apple.nextmedia ... 131007/18452683
