巴黎時裝周步入尾聲，徐濠縈、桂綸鎂及高圓圓等繼續出動睇騷及時尚活動，日牌Sacai於香港時間前日舉行來年春夏時裝騷，阿徐去到捧場，昨日又去看Chanel騷。
一切以女為先
阿徐此行是為時裝店入貨，她透露已買完貨，要趕返香港慶祝女兒康堤後日的九歲生日，她說：「𠵱家要遙控籌備生日會，已經掃咗好多童裝、衫同鞋畀個女，Eason就喺澳洲搞緊演唱會，我哋都有時差失咗聯絡，不過都應承一齊飛返香港同個女慶祝生日，我得一粒女，乜都以女行先。」
問阿徐會否想生多一個，她笑笑口說：「我唔肯同Eason生，佢都暗示想，陳家瑛都笑佢唔使佢陀梗想生。」不想康堤多個伴？她說：「都想，如果陀十個月變咗一個月就想，不過自己時間緊密，都會趕快。」
徐濠縈到巴黎為時裝店入貨抽空睇騷，昨日一身Chanel捧品牌場。
Eason想生，但老婆太忙未能配合。
阿徐因康堤愛聽Katy Perry的歌曲，昨在微博貼了與Katy的合照，作為女兒其中一份生日禮物。
Chanel以藝術館擺設作時裝runway，糅合寶庫經典元素及未來主義。
圓圓睇Stella
桂綸鎂與內地超模秦舒培現身鞋履品牌Roger Vivier的展覽活動，高圓圓專誠捧Stella McCartney場，榮文蔚則捧Elie Saab。
此外，Chanel昨日在巴黎大皇宮舉行的時裝騷，現場擺滿了圍繞香奈兒故事的大型藝術裝置，美國女歌手Katy Perry、「咪神」索模Kate Upton及尊尼狄普（Johnny Depp）前女友Vanessa Paradis捧場。
高圓圓盛裝現身Stella McCartney時裝騷，不過容顏略帶「膠樣」。
榮文蔚匆匆短留巴黎兩天睇Elie Saab時裝騷。
秦舒培今個時裝周暫緩行騷工作，出席不少時尚活動。
from:
http://hk.apple.nextmedia ... 131002/18445993
