阮小儀陳康摷出感情撐枱腳

1^# 大中小 雲妮C 發表於 2013-10-1 10:49 發短消息只看該作者

相關主題: 阮小儀

現年42歲嘅商台DJ阮小儀前年同出版社CEO黃志暉分手後，dry咗三年嘅佢日前被撞破同舞台劇演員陳康喺中環撐枱腳，小儀不時用手遮面，表現避忌似怕俾人贒到，其實小儀同陳康合作過幾次舞台劇，喺《賤泥積木》仲有場激咀戲，兩人埋身肉搏又錫又摷，咀到啜啜聲㖭。

小儀為陳康慶祝生日，日前兩人喺中環撐枱腳，小儀不時用手遮面表現避忌。
「佢好冧到女」
噚日馮仁昭打畀小儀，恭喜佢咀出愛火花，但佢就唔認拍拖：「我哋識咗好多年，如果係就幾年前已經係，嗰晚因為佢9月生日食飯咋，講真如果我係佢女朋友，就正日食啦。」點解唔約埋其他舞台劇演員，令人懷疑喎？小儀話：「今次冇箒，我哋冇發展機會啦，佢好多女朋友㗎，唔好睇佢個樣其貌不揚，好冧到女㗎。」

小儀同陳康喺舞台劇激咀錫到啜啜聲，唔通咀出愛火花？小儀強調同陳康只係好朋友，大家唔係大家杯茶。
兩個撐枱腳唔怕陳康女友誤會？小儀話：「佢啲女朋友好大方，應該唔止一個，但我冇特別見過，佢唔係好公開私人關係。」小儀強調陳康冇追佢，大家唔係大家杯茶，冇擦出愛火花，問佢怕唔怕做盛女？小儀話：「呢個名稱大家畀我，唔可以㩒住大家把口，我唔係冇仔陪食飯，無奈佢做咗替死鬼，今次得啖笑。」
from:http://hk.apple.nextmedia.com/entertainment/art/20131001/18444822

廷伸閱讀/相關主題推介:

相關主題:阮小儀

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-10-2 17:26 發短消息

小儀怕緋聞嚇窒男伴

DJ小儀、藝人羅敏莊（Mimi）一家同劉雅麗昨日宣傳音樂劇，雖然小儀只擔任活動司儀，但卻成為眾人焦點，不時被人將她與舞台劇演員陳康的緋聞「擺上枱」，而有份參演音樂劇的陳康就「失蹤」無到，小儀澄清二人只屬好友，又笑言：「我身邊有好多高大靚仔嘅男性朋友，我反而擔心會嚇親佢哋而冇朋友。（陳康啱你口味？）如果高啲會好啲，哈哈！」

左起：小儀、Mimi母女同劉雅麗一同出席音樂劇的宣傳活動。

另外，Mimi透露會與劉雅麗在音樂劇上化狗妝扮狗，Mimi又大晒幸福話：「老公雖然唔會演，但佢負責湊女同支持我！」
from:http://orientaldaily.on.c ... /00282_024.html

TOP

3^# 大中小 young 發表於 2013-10-7 14:42 發短消息

阮小儀陳康同場快閃

阮小儀（左圖）日前俾影到同緋聞男友陳康喺中環撐枱腳，噚日陳康喺九龍灣出席活動，小儀就以商台DJ身份同嘉賓做訪問，點知佢做完就走咗，似乎好避忌同陳康同場。陳康強調同小儀只係好朋友，雖然成日俾阿媽催婚，但𠵱家仲係單身寡仔。陳媽咁想飲新抱茶，見到呢單緋聞咪好開心﹖陳康話：「我媽都識佢，知我哋係好朋友。」至於同場嘅鍾一憲廚藝一流，有意同朋友夾錢開中式餐廳。
from:http://hk.apple.nextmedia ... 131007/18452662

TOP

4^# 大中小 young 發表於 2013-11-5 10:14 發短消息

小儀俾森美玩謝

森美同小儀噚日喺觀塘出席韓國KC Mall開幕，同小儀一向老友嘅森美，喺台上都不忘拎小儀嚟開玩笑，佢話：「你哋冇睇新聞咩？小儀喺韓國整容，整完後韓國都好震驚，因為整完好似冇整過。」之後森美又嘲笑有童顏術嘅小儀，頸部以下係12、3歲以下，頸以上就40歲，連小儀都忍唔住笑。講到有市民向消委會投訴演唱會要準時開騷，森美話最好好似舞台劇咁，遲咗要等中場休息先入場。
from:http://hk.apple.nextmedia ... 131105/18493471

TOP