Cookies出身的楊愛瑾（Miki），四年前與永安太子爺郭永淳撻着，踏入半退休狀態，不過Miki要背負小三污名，加上未能入門，戀情一直被外界睇淡。入門不成，惟有靠自己，Miki今年復出，轉戰拍劇，近日有劇集《神鎗狙擊》及綜藝節目《代代接班人》出街。
升呢做TVB二線花旦，Miki在《神鎗狙擊》出鏡率高，劇中更有一幕被姦戲。拍該幕戲時雖然不用除衫，但因為太逼真，據知拍完後Miki心理陰影揮之不去，出現失眠、發噩夢等後遺症。壓力爆煲的Miki更要秘睇心理醫生，而她的求助對象，原來正是註冊臨牀心理學家、張達明的妻子何念慈。
之後，Miki和助手到尖沙嘴贊助商的店舖攞衫。揀衫時，Miki眼神恍惚，心事重重。
張達明妻子何念慈是註冊臨牀心理學家，任職於「維博」。據知Miki與張達明因拍《龍咁威2》認識，透過張達明找他妻子。
入行十一年，Miki一直發展平平，自與郭永淳拍拖後更是放軟手腳，可惜多年來都未能入豪門，而郭今年更被判要每月支付四萬贍養費給前妻。男友負擔大，Miki惟有靠自己，今年她密接TVB劇，連拍《神鎗狙擊》及《貓屎媽媽》。
《神》劇中，Miki飾演周海媚胞妹，出鏡率高，並有一幕強姦戲。《神》是她復出之作，雖然十分搶鏡，卻為Miki帶來後遺症。
「雖然Miki同太子爺（郭永淳）感情穩定，但太子爺喺公司只係出份糧，每個月又要俾四萬幾蚊贍養費前妻，Miki梗要靠自己啦。佢同TVB份約都未滿，唔會加人工，依家希望做多啲工作，谷番人氣。所以Miki好重視《神鎗狙擊》嗰場被施暴強姦嘅戲，佢拍嘅時候好驚，之後心情好耐都平復唔到，加上《神》劇播出後收視一般，Miki都同朋友呻過唔開心。」知情者說。
雖然Miki工作不斷，由她主持的周一節目《代代接班人》更播到年尾，而劇集《貓屎媽媽》就接力播出，但她實際賺嘅錢唔多。
鬼祟睇醫生據知在感情及經濟雙重壓力下，Miki近日情緒爆煲。本月12日，Miki出席完活動，本刊發現她到中環秘睇心理醫生。Miki十分小心，她在醫務所樓下大堂逗留了一陣，小心翼翼看準周圍冇人才搭𨋢去診所樓層，但在診所門口徘徊多次也不入內。記者在走廊盡頭拍照，最終被她瞄到，Miki即驚青離去。
睇唔成醫生，Miki去了尖沙嘴加連威老道買衫。只見Miki在平民化的店內左揀右揀，血拼半小時，最後以幾百元買了堆平衫，乘保母車回家。
睇牌認路
本月12日，Miki同助手前往中環泛海大廈，在大廈大堂水牌尋找「維博心理醫學中心」的樓層。後來她發現記者，在「維博」門口徘徊多次都冇入去。
Miki：呢排係緊張
雖然暫時入門無望，不過Miki同郭永淳感情穩定。上月中，本刊就發現兩人拍拖行商場。
上周三（18日），本刊就睇心理醫生一事問Miki，她推說只係搵朋友。但訪問中亦兩次提到自己精神緊張。
記：早排係咪去睇心理醫生？
楊：個醫生係我朋友，我嚟緊喺電影飾演臨牀心理學家，去取經啫。
記：你本身都有壓力？
楊：嗯……呢排我係有少少緊張。
記：因為《神鎗狙擊》收視麻麻？
楊：唔關收視，我對上一次拍劇已經係十年前嘅事，今次再拍仲未慣啫。
記：係咪之前拍強姦戲有陰影？
楊：可能係拍攝時溝通得唔好，搞到好緊張。
記：見到你喺尖沙嘴買平衫喎！係咪男友閂水喉？
楊：我一向都唔買貴嘢，不嬲都係靠自己！
本周被姦Miki在《神鎗狙擊》飾演周海媚妹妹，出鏡率高，加上強姦戲有得發揮，令Miki寄以厚望。不過《神》劇上周平均收視得24點，難怪Miki有鬱結。
平民血拼攞完贊助商的戰衣後，Miki去商場睇鞋，不過齋睇唔買。之後去加連威老道一店舖，使幾百蚊買咗8件衫。
被姦谷收視近年TVB的電視劇總有「重口味」場面，強姦更變成例牌情節，實行用花旦的梨花帶雨，挽回收視。
徐子珊一秒強姦
去年在《雷霆掃毒》，徐子珊被飾演毒犯李家鼎的手下輪姦，鏡頭中有人撕開她的衣服，鏡頭便轉向四個男人淫笑問：「幾時輪到我？」這幕「一秒強姦」被網友鬧爆，但該集收視卻高達30點。
高海寧背部全裸
今年初播映的《法網狙擊》，高海寧以背部全裸上陣，被飾演富二代的白健恩強姦。30秒的的強姦戲雖然只換來26點收視，但卻令高海寧成功上位。
陳茵媺因姦成孕
去年播出的《天梯》，陳茵媺在街上飲醉酒，被流氓拖入後巷施暴，最後更因姦成孕，換來30點收視。
