譚詠麟（阿倫）昨日以關愛大使身份出席「無私奉獻」義工活動「高球健兒樂滿FUN」，與視障人士到屯門打高爾夫球。阿倫表示由於早年頸椎移位，已有數年沒打高爾夫球，幸好情況已改善。談到男人要護腰，阿倫又講有味笑話：「我腰骨冇問題，少啲高難度囉！」
對於契仔關楚耀與周秀娜傳緋聞，阿倫說：「佢（關楚耀）唔約我，可能因為我早起，佢跑北半球美國時間。」他又讚娜姐聰明、有耐性及大方：「如果係真就要見家長。」乖仔曉風可有帶女友見家長？阿倫笑說：「有排先見，希望帶鬼妹，唔係鬼仔。」他又指乖仔得他遺傳，絕不擔心他的性取向。
from:
http://hk.apple.nextmedia ... 130929/18442398
