周潤發與杜汶澤等昨日於澳門拍攝新片《賭城風雲》，親民的發哥不用拍攝時亦會留在片場幫手，又主動跟工作人員及一眾女星合照，逗得大家開心不已。杜汶澤則靠「look」搶鏡，以「胸毛」造型上陣，外表趣怪！
發哥拍攝時非常認真，態度專業。
影壇巨星周潤發、杜汶澤、吳辰君及童菲等昨日於澳門為王晶新片開工，拍攝一場泳池戲份。最近日操夜操fit爆身形的阿澤，昨日赤裸上身以「胸毛look」上陣，造型搞笑。雖然阿澤消瘦不少，但因拍攝時不能每次都挺胸收腹，故未見他最fit狀態。
梁敏儀讚冇架子
發哥出名專業，就算不用拍攝都會留在片場幫手，盡顯親民個性。原本梁敏儀、袁嘉敏、內地女星胡然日前已拍畢戲份，但因颱風關係而要延期拍攝。她們昨日齊穿三點式泳衣上陣，大晒美好身材。對於能跟神級演員發哥合作，梁敏儀大讚對方好人冇架子：「我哋成班演員食飯，發哥知道我哋想同佢影相但又唔敢出聲，就主動走出嚟問我哋有冇手機，然後用我哋嘅手機同我哋面貼面影合照，開心死我哋同成班工作人員呀！」
童菲笑言不會當發哥是爸爸，因覺得他很後生似哥哥。
梁敏儀大讚發哥好人冇架子。
內地女星胡然穿三點式拍攝時不感尷尬。
童菲為霆鋒平反
飾演發哥女兒的童菲與阿澤、謝霆鋒有不少對手戲，她大讚兩位拍檔好人，童菲說：「阿澤真係好搞笑，其實霆鋒唔係真係咁cool，佢模仿力好強，最鍾意扮導演劉偉強嘅動作，有時仲會學佢揸住部機周圍走個樣，好好笑。」
袁嘉敏細心整理泳衣防走光。
吳辰君未有脫下浴袍晒美好身材。
「胸生毛」的杜汶澤與王晶研究劇情拍攝。
from:
http://orientaldaily.on.c ... /00282_020.html
