張達明接Job抗病

1^# 大中小 young 發表於 2013-9-24 10:24 發短消息

相關主題: 張達明

10月1日國慶文藝晚會將喺紅館舉行，噚日有關單位同演出藝人去到中環廠商會禮堂宣傳，而張達明將會擔任活動司儀，呢次係佢病癒後正式復工，達明都好識錫身咁話：「之前懶又怕辛苦，推咗好多job，但發覺出嚟行下正能量多啲，主持司儀應付到，太辛苦唔會做。」而Soler兩兄弟就同太太現身，Dino同太太黃麗施（Nancy）更帶埋囝囝嚟，哥哥Julio就話會加油追趕生B，仲話日日都好努力。
from:http://hk.apple.nextmedia ... 130924/18435093

廷伸閱讀/相關主題推介:

相關主題:張達明

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-9-24 11:15 發短消息

張達明增肥再戰娛圈

早前患病的張達明昨出席活動，同場還有糖妹和Soler的Dino一家三口，達明說正積極增肥，因身體無法負荷，只可以接司儀、主持工作：「依家手腳都仲會痹，要做運動，之前因為身體唔好推咗好多工作，依家接短騷先得。（拍唔拍番戲？）客串吓就得。（做司儀要企成晚。）係呀，但可以應付。」

糖妹見到前輩張達明即正經拍照。

達明又說最近忙於寫劇本，並將與彭浩翔合作新戲：「今次我做編劇同導演，彭浩翔應該做監製。」

Dino帶了太太和BB現身。
from:http://orientaldaily.on.c ... /00282_021.html

TOP

3^# 大中小 young 發表於 2013-10-3 12:17 發短消息

張達明緊張睇貓紙

抗癌康復的張達明，前晚在紅館擔任國慶文藝晚會的司儀，跟黃宇詩合作，穿上西裝的他精神不錯，不過可能久未上台，見張達明表現有點緊張，不時要看貓紙，聲線亦比以前弱，但腦筋依然很靈活，他說：「有正能量去克服，其實每個人都有。」

晚會播出林子祥和林德信在解放軍軍艦合唱《男兒當自強》片段，現場演出則有薛家燕、區瑞強、糖妹及葉麗儀。而鄧達智請來Rosemary及余慕蓮等行騷，其中以余慕蓮出場時歡呼聲最多。此外，糖妹近日拍無綫劇《M Club》，有指她多NG影響進度，她說：「係我咩？有時有喊戲要長時間準備，三至四次都唔算多。」霍震霆則由兒子霍啟山陪同到場欣賞。
from:http://hk.apple.nextmedia ... 131003/18447432

TOP

4^# 大中小 young 發表於 2013-10-7 14:47 發短消息

達明怕被九歲女飛

張達明與太太帶同一對子女看舞台劇，精神不錯。

張達明與太太及一對子女、趙世曾和雷兆光等前晚在灣仔演藝學院，出席《星光列車》舞台劇首演活動，抗癌康復的張達明，精神不錯，他表示九歲細女十分喜歡舞台劇：「之前暑假參加咗春天音樂劇團做暑期工，佢好開心。」會否贊成女兒入行，他說：「我就麻麻哋，個女都知道做舞台劇辛苦，搵唔多錢，我𠵱家都驚佢唔理我，要返暑期工工約晒同事拒絕我約會。」

此外，原子鏸與外籍跳舞老師男友人前來，她透露將會返內地拍攝以慰安婦為題材的電影，飾演記者，母親鄭佩佩更扮演其老年角色，之後會接拍胞弟執導的電影。
from:http://hk.apple.nextmedia ... 131007/18452688

TOP

5^# 大中小 young 發表於 2013-10-7 15:37 發短消息

張達明怕囡囡入行

大病初愈的男星張達明前晚與太太及子女一同欣賞音樂劇，他透露囡囡很喜歡看音樂劇，九歲的她暑假時曾到音樂劇團工作，問到囡囡是否喜歡做明星？達明說：「我就麻麻哋，不過佢有同我講，話知道做舞台劇好辛苦，我咪同佢講唔好以為係做明星囉！不過我依家驚佢唔理我，之前佢喺劇團做嘢約佢食lunch，佢竟然話同同事食，我好傷心。」

張達明一家欣賞音樂劇。

而同場的前港姐原子鏸就透露近日忙於拍攝兩部電影，其中一部扮演記者，並講述其一生，而老年則由母親鄭佩佩飾演，另透露平日不用拍戲會教鋼管舞。
from:http://orientaldaily.on.c ... /00282_063.html

TOP

6^# 大中小 young 發表於 2013-11-5 10:14 發短消息

張達明病癒做導演

張達明同曹永廉噚日喺電視城為無綫嘅《萬里尋爸》錄影，精神唔錯嘅達明𠵱家暫時接簡單工作，會做一部電影編劇同導演，達明話監製對佢好好，唔只畀咗首期，時間亦都可以遷就佢。達明好開心咁話11歲嘅大仔最近選香港小特首，仲入咗決賽階段：「希望為我哋爭光。」講番《萬》呢個節目，阿廉話試過同仔女分開個幾月，達明透露同子女分開半年，當然掛心啦，所以佢冇打算將子女送去外國讀書。
from:http://hk.apple.nextmedia ... 131105/18493407

TOP

7^# 大中小 young 發表於 2014-7-14 20:16 發短消息

張達明否認復發

張達明顯得比前消瘦。

張達明抗癌成功，重拾健康已全面復出，昨日在灣仔出席抗癌健康講座，分享患病時心路歷程，體形更消瘦的達明說：「𠵱家好多公司搵我做分享，我治療完之後都有後遺症，就係手腳麻痹同鼻竇炎，不過身體都算好好，係瘦咗，但精神好好，手腳需要時間去醫，西醫話冇辦法，但中醫話可以針灸，keep住做物理治療，對血管都好啲。」

最近有雜誌指他中西合璧治病，疑似暗示他復發，對此他說：「其實我係去睇中醫，醫鼻竇炎，講到我好似翻發就嚟死咁，大家都見到唔係，我冇復發，so far so good，寫我110磅算好，我冇㖭呀！未病之前128磅，𠵱家100零幾磅，夏天熱又要湊仔女，所以又瘦咗。」
from:http://hk.apple.nextmedia ... 140713/18798028

TOP