張達明精神湊仔公

去年9月，張達明被指患上鼻咽癌，仲瘦到塊面凹晒，真係我見猶憐。早前媽咪姐就撞到張達明一家四口，當日佢兩夫婦帶埋一對仔女去完公園玩。

張達明着得比較多衫，不過面色比之前好咗好多，之後佢仲一個人帶住兩個仔女返屋企。你知湊細路幾咁辛苦㗎啦！咁艱巨嘅任務都完成到，證明達明身體狀況OK，應該好快可以重出江湖！

康復緊嘅張達明依然瘦削，但警覺性甚高，一落車已經發現媽咪姐，相當機警。

張太負責截的士，張達明就照顧大仔張子由同細女張子蒿。

達明跟仔女玩咗半日都未有疲態，仲獨自一人湊仔女返屋企，狀態看似不俗。