停咗幾個星期嘅《星夢傳奇》前晚播出第8集，新加入挑戰嘅楊思琦同李豪分別唱《我願意》同《如果沒有你》，但兩個最後都唔成功齊齊被叮出局，思琦得157.4分排尾二，李豪就攞154.4分包尾。
思琦俾評判話佢揀錯咗首難度高嘅歌嚟唱，被踢出局之後仲喊到豬頭咁，佢話唱得唔好唔緊要，最緊要將首歌唱畀家人同囡囡聽。之但係大家有冇留意到思琦唱歌時，有兩位女觀眾評判竟然掛住喺度傾偈講笑、雞啄唔斷。由於觀眾評判同專業評判嘅分數各佔一半，啲觀眾表現咁唔尊重參賽者，佢哋嘅評分令人覺得好求其。
鄭俊弘得分差
噚日打電話畀思琦，問佢知唔知啲觀眾評判掛住吹水冇聽佢唱歌？思琦話：「我唔知呀，睇唔到，唔緊要啦，有得上節目已經好開心㗎啦。」
前晚楊思琦喺《星夢傳奇》唱歌比賽嗰陣，兩個女觀眾評判（箭嘴示）掛住講笑傾偈，咁畀分法點公平㗎。
鄭俊弘得分差
噚日打電話畀思琦，問佢知唔知啲觀眾評判掛住吹水冇聽佢唱歌？思琦話：「我唔知呀，睇唔到，唔緊要啦，有得上節目已經好開心㗎啦。」
楊思琦被叮出局之後，喊到成個豬頭咁。
電視圖片
楊爸爸同楊媽媽喺後台安慰思琦，令思琦好感動。電視圖片
鄭俊弘嘅師傅巫啟賢畀佢最低分，令佢好無奈。電視圖片
另外，前晚嗰集係鄭俊弘做咗巫啟賢徒弟之後，兩師徒第一次碰頭，但巫啟賢畀分徒弟仔畀得好手緊，特登畀佢最低分70分，反而畀思琦78分，擺明對徒弟嚴格。至於羅鈞滿就以總分176.6分首次力壓鄭俊弘成為高分王。前晚《星夢》平均收視20點（128萬觀眾），比上周同時段播《衝上雲霄II》大結局仲跌咗18點（116萬觀眾）。
版主：陳基征
from:
http://hk.apple.nextmedia ... 130917/18426089
