張家輝及彭于晏（Eddie）主演的《激戰》票房衝破4000萬，台前幕後昨連走幾場謝票，Eddie更特意向劇組請假一天來港參與活動。戲院繼續全場爆滿，粉絲眼見兩位主角現身表現興奮，家輝離場時更於女廁門外被圍要求合照，場面尷尬。談到票房佳績，家輝不禁謂：「《証人》收800萬、《綫人》收1200萬，我都驚自己以後突破唔到今次嘅成績。（有觀眾話你蟬聯影帝喎。）佢哋講吓笑啫，呢啲嘢唔到我控制。（華鼎獎同劉青雲拗手瓜？）冇所謂啦，大家咁熟，如果到時有時間，我都會出席支持嘅。」家輝又謂觀眾反應令他覺得當初付出物有所值，尤其得悉有網民用劇情去激勵自己的求生意志。
彭于晏（左起）、導演林超賢及張家輝連走幾場，到戲院謝票。
導演林超賢不諱言已積極構思續集題材：「即使最終諗唔掂，轉用新古仔，我都希望能夠原班人馬出演。（成績咁好分紅？）咁要睇老闆對我好唔好嘞。」
張家輝與彭于晏在《激戰》合作愉快，戲外亦有講有笑。
張家輝在女廁門外被圍要求合照，相當尷尬。
from:
http://orientaldaily.on.c ... /00282_011.html
