養兒防老，信唔過，但錯唔晒！全在閣下命數。好命嘅，有人稱九哥嘅Edison老豆陳澤民。寶貝仔陳冠希08年因為淫照事件搞到一鑊粥，雖然星途受阻，但旗下嘅潮服生意就絲毫不受影響，近年仲返大陸跑夜場，上星期五（六日）晚，Edison就喺哈爾濱唱酒吧show，唱完之後雖然有大會保安護送離場，但混亂中希少對限量Air Max就俾人踩到污糟晒，Edison仲𤷪到雙手齊郁，推到其中一個保安幾乎企唔穩，發住爛渣咁又執幾十萬，有水喉照顧嘅九哥即使破咗產，舊年依然可以同美少年搭頭等飛機去歐遊。
上個禮拜，《壹》仔行銅鑼灣更，喺利園商場見到陳澤民，喺LV買完使完錢，由店員幫手攞住兩大袋戰利品，送佢出去上落車區等司機接。
大把錢使又有司機接送，都話破產同離婚，未必係末路囉，之不過，Edison成日躁狂症發作，小心自斷財路！
Yo喺台上演出好哋哋嘅Edison，完show離場遇上人多混亂，竟然向其中一個保安郁手。
No
Oh事後Edison在網上留言，話對限量波鞋被人踩到一笪笪。
