陳奕迅（Eason）7月尾開騷時，話自己有躁鬱症，仲喺演唱會尾場失控鬧歌迷！情緒咁唔穩定，Eason開完演唱會就舉家去英國旅行叉叉電。不過，早前又有報道話佢老婆徐濠縈養鬼仔防小三，真係是非多！
好在媽咪姐最近見到Eason都算幾精神，仲變番當年嘅口水佬「吹神」㖭。話說嗰朝7點半，晨咁早就喺大坑茶餐廳，見到一支公嘅Eason喺度嘆奶茶。雖然倒塔咁早，不過「吹神」精神奕奕，路人甲經過嗌聲佢，佢都四萬咁嘅口應人兼吹水，睇嚟佢嘅情緒病有好轉喎！
終於有個路人甲叔叔發現有大明星！嗌咗Eason一聲，吹神亦笑笑口嗌番聲「早晨」。要搵食呀！（設計對白）講兩句先啦！
大坑嘆茶晨早去嘆茶，其中一個好處就係無乜人，就算阿叔坐對面亦懶理Eason，食得自在！
早前，甘比請咗Eason一家去大劉喺英國間豪宅小住，嗰時吹神仲係皺晒眉。好彩依家好似睇開咗，個人又鬆番啲。
