馬明馬國明唔差過Cool魔張智霖

1^# 大中小 young 發表於 2013-9-14 15:48 發短消息

馬國明同江美儀喺《衝上雲霄II》連環激咀，有人話重口味。不過喺大結局入面，白髮look嘅馬明BB跪地同江美儀求婚，呢幕大獲好評㗎！查實姊弟戀有乜問題？媽咪姐都不知幾想有個好似馬明BB咁嘅honey呀。

最近之嘛！有熱心網友就post咗馬國明喺加拿大UBC讀機械工程嘅畢業相出嚟，媽咪姐攞咗佢依家張「機師」相出嚟對一對。嘩！咪講笑，真係差唔幾咋噃！嗱，人人都話42歲嘅Cool魔張智霖keep得好，計媽咪姐話，細佢3年嘅馬明亦絕對唔失禮，唔顯老之餘，依家仲多咗幾分男人味㖭。

24歲嘅馬國明塊面仲有少少baby fat，梳三七分界，一副乖仔樣。依家瘦咗，髮型又in啲，成個瀟灑晒！不過有網友就話佢啲英文唔掂囉。係咪keep得好先！

98年學生look

馬明同父母、家姐喺90年代移民加拿大溫哥華，後來回流香港。2000年馬明考入TVB藝員訓練班，咁就13年嘞。

講開又講，嘉欣BB原來同馬明BB讀同一間大學，早前仲返去母校行一轉影相，又幾好環境喎！

廷伸閱讀/相關主題推介:

相關主題:張智霖馬國明

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-9-15 14:03 發短消息

馬國明估錯視帝呆若木雞

每年的無綫頒獎禮都定必出現一些經典蝦碌場面！去年，當頒發「最佳男主角」時，「無綫筍盤」馬國明（馬明）的O嘴反應最為人津津樂道！事緣影后葉德嫻在公布「視帝」得獎者是黎耀祥時，一眾小生即笑意盈盈站立與祥仔擁抱，惟獨馬明攬過祥仔後，卻擺出一副呆若木雞的O嘴樣，反差甚大！

馬國明解釋因估錯視帝才窒了一窒。

事後，網民在討論區都洗板式討論馬明的反應，更有網友讚他的反應夠真摯、可愛！不過馬明解釋有如此錯愕反應，是因為估錯「視帝」是林峯：「我覺得阿峯（林峯）攞獎機會好大，嗰陣諗住起身恭喜阿峯，但宣布係祥仔，自己都窒咗一窒dead air咗！」

黎耀祥贏視帝接受道賀時，馬國明卻一臉茫然。

事件：馬國明在去年台慶頒獎禮中，得知黎耀祥奪「視帝」，當堂O嘴。

時間：2012年12月17日台慶頒獎禮
From:http://orientaldaily.on.c ... /00282_056.html

TOP

3^# 大中小 young 發表於 2013-10-7 13:39 發短消息

馬國明練定O嘴

馬國明（馬明）與黃智雯昨日於電視城為新劇《On Call 36小時Ⅱ》拍攝宣傳片，正忙於內地拍攝電影的馬明，透露已度好期返港宣傳新劇，問到是否片酬不俗，馬明笑謂：「都係幾位數字啫！（轉型拍電影？）試吓新嘢。」

馬國明與黃智雯着上醫生袍拍宣傳片。

談到被指是今年視帝黑馬人選，馬明笑不攏嘴謂：「邊度有得攞呀！不過都會盡力而為，有得爭已經好開心。（舊年嘅O嘴表情成為熱話，今年宣布賽果時會唔會控制吓表情？）我一定會訓練個表情。」而智雯則表示要黐實馬明返內地搵真銀，即使做阿妹及近身角色也沒所謂。
from:http://orientaldaily.on.c ... /00282_005.html

TOP

4^# 大中小 young 發表於 2013-10-7 14:43 發短消息

馬明難捨《寒山》

馬國明、李詩韻同林夏薇前晚喺電視城幫劇集《寒山潛龍》補咗幾場文戲，跟住呢套劇就正式煞科，話晒大家都合作咗好幾個月，加上連場動作加吊威吔嘅戲，辛苦程度都唔識點形容，好彩成班演員互相扶持，所以佢哋喺煞科戲嘅開工前夕，馬明、詩韻、敖嘉年同林夏薇拍咗條短片兼擺埋上微博，鏡頭前見佢哋個個講咗句拜拜，睇嚟佢哋真係唔捨得喎！
from:http://hk.apple.nextmedia ... 131007/18452670

TOP

5^# 大中小 young 發表於 2014-10-9 10:50 發短消息

馬明演年輕版秋生打出頭

馬國明（馬明）正身在上海拍攝劇集《梟雄》，飾演黃秋生年輕版的他，於劇中甚為打得，有不少打鬥場口，日前他拍攝親自帶手下成功為湯鎮業打天下而上位的戲份，現場所見，他打得有型有格。馬明受訪時坦言喜歡拍動作戲，更不諱言鍾意拍打仗戲。

馬明（左）與唐詩詠等在上海拍攝《梟雄》。

問馬明今次拍攝前要否勤加操練？他說：「都唔使，今次呢啲係拳頭交，唔需要練太多，反而之前拍《寒山潛龍》就要練多啲，因為要耍纓槍，不過呢套劇都拍得好順利。」他又指在上海除了開工，沒有甚麼娛樂，所以為慰勞一班幕後的工作人員，大家開心一下，他和胡杏兒、黎耀祥、湯鎮業、黃秋生等演員都有輪流請食飯。

馬明趁空檔與陳煒合照。
from:http://orientaldaily.on.c ... /00282_017.html

TOP

6^# 大中小 young 發表於 2014-12-17 12:15 發短消息

馬明愛新鮮水瓶最緊要有Feel

想送聖誕禮物給水瓶座，其實隨意一樣東西都可以，因為他們着重的，是送禮的方式。別看一眾水瓶仔女馬國明（13/2）、楊千嬅（3/2）、楊愛瑾（14/2）、鍾欣潼（21/1），全部唔聲唔聲，其實最愛新鮮特別的就是他們。只要用一個獨特的送禮方式，即使只是一盒朱古力，也夠他們樂上半天。

2015年水瓶座事業運非常好，之前打落的根基會有所收成，大有機會升職加薪。今年再度失落視帝的馬明，莫非下年有機會？
from:http://hk.apple.nextmedia ... 141217/18971512

TOP