早前接受訪問已經承認同永安太子爺郭永淳拍拖嘅楊愛瑾Miki，早兩日見到佢同男友郭永淳齊齊喺金鐘太古廣場出現，但表現卻相當鬼祟。當日係Miki先到戲院買飛再會合男友，因為未夠鐘開場兩人行吓商場，但又好似怕被發現，不時分開行。到開場嘞，佢哋再雙雙出現，點知一見到媽咪姐就即刻彈開分頭走。其實，拍拖睇戲好平常，Miki點解要咁驚呢，唔通對之前被鬧「狐狸精」仲有陰影？
負責買飛嘅Miki買完飛後，就跟郭永淳會合。幾時先可以光明正大呀？（設計對白）你入到門嗰日囉！
初時兩人仲好親暱，身貼身咁齊齊check電話。
戲都唔睇之後準備入場之際，見到媽咪姐，兩人戲都唔睇，仲立即分頭向左走向右走。
日前Miki仲係微博呻:「忙碌過後，有點空虛的感覺。」唔怪之得要搵男友安慰吓心靈。
