媽咪姐真心同大家講，女人唔keep好易老！就以今年47歲嘅陳法蓉為例，早前媽咪姐喺IFC見到佢素顏出現，着住件白色see though衫、摺腳牛仔褲加平底鞋。雖然戴咗眼鏡，但都係遮唔到個黑眼圈同眼袋，堂堂港姐冠軍，艷光係零！入到商場就一支箭咁走去戲院買飛，轉個頭就一個人入場睇戲。嗯，得閒都係執吓啦！個look咁hea，注定「食自己」㗎。
好似次次見陳法蓉都係戴呢副阿嬸眼鏡，再加條牛仔褲，女人味欠奉，好難有桃花喎！
一個人買飛入場睇戲唔係問題，問題係次次都俾人影到一個人，有啲悶啫。
陳法蓉早前同廖安麗慶祝生日，好彩仲有friend。
