Chilam張智霖簽約衝上雲霄

張智霖（Chilam）本月初宣佈過檔蕭定一旗下的中國3D數碼娛樂有限公司，昨日他盛裝出席在舊啟德停機坪舉行的簽約記者會，同時宣佈續約星娛樂，黃柏高、葉念琛、胡耀輝及電子傳媒的高層均有出席。Chilam和蕭定一乘坐勞斯萊斯到場，接着在一班穿上露腰空姐裝的空姐陪同下，在台上與兩位老闆蕭定一和薛濟傑進行簽約儀式，現場更不時播放Chilam重唱的《歲月如歌》，接着Chilam和蕭定一坐直升機在空中暢遊。

張智霖昨日官仔骨骨現身簽約記者會，並坐直升機在空中暢遊。

明年8月開個唱

外間盛傳Chilam今次以8位數字獲邀加盟，心情勁靚的他笑說：「今日對於我係一個大日子，希望未來幾年做出新嘅成績。錢係商業秘密，不過最好玩係喺上面行個大運，天氣又同我心情一樣咁開朗。」Chilam稱稍後將會有一連串歌影視的工作計劃，現階段要保持最好狀態，迎接新工作：「我最鍾意係拍劇，人物立體好多，比較多篇幅，所以我幾鍾意呢個模式。演唱會最遲明年8月舉行。」

談到無綫將與蕭定一合作拍《衝上雲霄》電影版，Chilam說：「聽講會呀，不過係明年嘅事，我自己好期待，當然一部電影嘅誕生，唔係一個可以做到，要有各方面先可以成事，《衝II》有呢個成績已經係好大嘅獎勵。」人選方面，他說：「我冇任何話事權，只係演員，每一個演員都有魅力。」

除了飛上天，張智霖又坐勞斯萊斯進場，氣勢十足。

憑Cool魔一角人氣爆燈的張智霖（中）簽蕭定一（右二）及星娛樂大展拳腳。

預期兩個月回本

對於簽約現場播Chilam重唱的《歲月如歌》，他說：「呢個係唱片公司嘅安排，遲啲我會出張重唱一啲我好鍾意嘅歌（嘅碟）。」有網民為Chilam設計《衝II》的結局相片，他笑說：「嗰張相真係好好笑，我已經cap咗畀個仔睇。」

另外，蕭定一因公司和Chilam簽約，刺激公司股價昨日爆升1.3倍，收市報6.1仙。蕭定一又透露《衝上雲霄》電影版將於明年6月前開拍，預計製作費6千至8千萬元，是中港合拍片打入內地市場。蕭定一指以預付形式簽Chilam，金額是「合理的8位數字」，但否認是5千萬元，有信心預期兩個月回本。
from:http://hk.apple.nextmedia ... 130911/18417611

「Cool魔」張智霖（Chilam）半億身價簽約新經理人公司，記者會上老闆蕭定一全程傍實，更出動名車及直升機接載，凸顯其「一哥」地位。加盟消息傳出後經理人公司由市值1.8億「躍升」至3.5億，Chilam名副其實變身運財童子，他寄望自己事業更上一層樓。

張智霖演完Cool魔，事業直情如坐直升機沖上雲霄！

Chilam昨於舊機場舉行簽約「中國3D數碼娛樂」及續約「星娛樂（環宇）有限公司」儀式，為隆重其事豪花28萬租用直升機、名車及現場搭台，並出動多位model作空姐打扮陪伴出場，「歡迎」Chilam加盟。

架勢排場
而一眾電子媒體及其代言品牌亦派要員撐場，連鮮有亮相公開場合的「星娛樂」老闆薛濟傑亦有出現。Chilam在蕭定一陪伴下坐勞斯萊斯到場，然後再改坐直升機「環島遊」，寓意進入新里程後事業運節節上升！

張智霖（左）

張智霖昨日簽約成為蕭定一旗下藝人，出場氣勢十足。

當Chilam加盟消息正式對外發布，「中國3D數碼娛樂」股價一度急升逾一倍，市值由1.8億升至3.5億，Chilam「身價」果然不同凡響，他接受電話訪問時不禁笑謂：「咁好？咁我咪運財童子囉？公司好我都好嘅。（阿一送股份畀你？）梗係冇啦，不過股票同錢都唔係最緊要，最緊要係多啲工作機會配合。」

遨遊香港

Rolls出巡
三路發展
而Chilam在記者會後接受訪問，直言稍後全力進攻歌影視：「發覺自己都幾鍾意拍電視，因為角色會比較立體。（阿一同TVB合作拍《衝上雲霄》電影版。）咁咪好囉。（想同邊個合作？）我又唔係製作人，不過做得演員嘅個個都有個人魅力，冇所謂啦。」稍後他會推出一張唱片翻唱別人的歌，《歲月如歌》是頭炮，又計劃明年8月再踏紅館開個唱，至於蕭定一則打算年內開兩部電影讓他擔正。

當記者指Chilam為「一哥」時，他笑說：「你哋講緊蕭定一呀？（簽約實質幾多酬金？）呢啲係商業秘密，點講得？（靚靚話攞嚟買樓喎。）總之希望香港樓價跌番落合理水平先算。」

另外，有指當年Chilam與「星娛樂」約滿後曾有誤會，如今冰釋前嫌才續約，他淡然回應：「情緒上嘅誤會已經過咗去，唔想再講，依家冇事嘞。」
from:http://orientaldaily.on.c ... /00282_006.html