張家輝及關詠荷這對明星夫婦最近被指分房瞓，但其實兩人相當恩愛，家輝大讚太太滿分：「冇老婆就冇我！」對於被指抑鬱的家輝，日前心情大好獨自行街，期間更被師奶粉絲捉住手臂吹水；至於關詠荷接受《好報》訪問時表示家庭至上，盡力做好賢妻良母職責。
關詠荷曾於04及05年兩度小產，令她打消追B念頭。
影帝張家輝及視后關詠荷（Esther）結婚十年一直甚為恩愛，女兒Brittany已七歲，最近家輝憑電影《激戰》的爆肌演出獲讚，Esther久休復出拍攝的電視劇《情逆三世緣》亦正在熱播，兩人婚姻隨即再成外界焦點，有傳他們感情轉淡分房瞓，但家輝及Esther均作出否認，攜手面對流言蜚語。
讚老婆100分
日前家輝接受電話訪問時大讚Esther是滿分好老婆：「如果100分滿分，梗係畀100分啦！冇老婆就冇我呀！佢畀好多自由度同空間我，所有決定佢都唔會干預。」他亦否認禁止太太拍劇，若她遇到好劇本一樣支持。提到有指因谷肌拍戲而抑鬱，影響夫妻關係，家輝笑說：「邊有呀！套戲票房咁好，邊有抑鬱，我不知幾開心！我承認當時有一個人坐喺屋企，太太冇打擾我，對呢啲傳言，我哋只係笑吓就算。」而日前家輝獨自到中環逛街，雖然沒有太太陪伴，但心情仍大靚，見他入商場前與酒店職員吹水，其後則揀cap帽，更被師奶粉絲捉實手臂吹水和要求合照，全程他笑容滿臉，完全冇抑鬱迹象。
家輝被師奶粉絲捉實手臂，依然笑容滿臉。
關詠荷送女上堂，見有記者拍照即着女兒以手掩面。
張家輝與酒店職員亦傾一餐，一點架子也沒有。
至於Esther日前接受《好報》專訪時直言一切以家庭行先，全力支持家輝：「佢喺出面打仗，點樣辛苦都好，我set好個屋企，等佢返到嚟舒舒服服就已經係最好嘅事！」
張家輝與關詠荷將全副心力都放在女兒身上。
關詠荷行完街，司機開定門等她上車。
放大圖片
努力造人不果
Esther曾於04年及05年兩度小產，雖然喜歡小朋友，但已沒有再想追BB：「早幾年我哋好努力去嘗試，努力咗，但上天冇籌派到畀我哋，所以都完結咗，畫上咗個句號，應該唔會再追。」故此Esther將全副心機放在Brittany身上，日前她被拍到素顏送女上堂，坐在七人車內的女兒疏乎得戙高腳，其後Esther緊緊拖實愛女，一副慈母模樣。談及未來動向，Esther並沒有留戀公仔箱，繼續表示是「照顧好屋企」，可見她與家輝的關係固若金湯！
from:
http://orientaldaily.on.c ... /00282_010.html
