離別無綫多時，佘詩曼終於回歸簽約TVBC，昨日仍如「無綫一姐」身份般出席北京的記者會，成為內地傳媒追訪對象，但現時於無綫搏殺上位中的花旦徐子珊亦唔輸蝕，以一襲束腰谷胸裙搶鏡！
阿佘現時以事業為重，身邊暫未有新對象，母親亦無催婚。
電視廣播有限公司與上海翡翠東方傳播有限公司（TVBC）之前曾於上海電視節齊齊為劇集造勢，無綫昨再次率領廿多位無綫演員出動，包括佘詩曼、胡杏兒、楊怡、黎耀祥、陳豪、黃宗澤、吳卓羲等到北京展覽館出席「TVB家族影視劇發布會」，強勢推介無綫劇集。已離開無綫一段時間的佘詩曼現時跟TVBC簽約，仍給人「無綫一姐」之感，難怪眾人於台上大合照時，阿佘與黎耀祥齊站於台中，身為視后的胡杏兒和楊怡亦只能跟住企，去年視后大熱的徐子珊更被安排站在第二排，幸她的一襲束腰谷胸裙比打扮密實的女藝人明顯搶鏡！
阿佘受訪時坦言今次與TVBC簽了兩年合約，一年拍一部劇，主攻內地，因自己極希望可以跟內地導演及新的對手合作，有望擦出新火花。
杏兒Bosco零交流
另外，場內見「昔日戀人」黃宗澤及胡杏兒零交流，杏兒曾於Bosco面前行過，但Bosco視若無睹。問Bosco會否再跟圈中人拍拖？他只謂隨緣，記者指他似乎見到杏兒感尷尬，他即否認：「我偶然都會關心吓佢，上網睇吓佢啲新聞同動向，私下亦有同佢聯絡。」而馬國明及舊愛胡定欣亦企到離行離列。性感示人的子珊被問到經常跟Bosco合作，是否無綫想打造二人做新的「螢幕情侶」時，子珊謂：「咁啱啫！不過都合作咗5部劇，但我同佢一定冇可能，只可以當佢係姊妹。」
from:
http://orientaldaily.on.c ... /00282_008.html
