黃宗澤、徐子珊和胡定欣等昨日在將軍澳電視廣播城為無綫劇集《點金勝手》試造型，黃宗澤與徐子珊兩人曾多次傳出緋聞，為免因合作而扯上關係，子珊笑說：「佢啲緋聞多到好似non-stop咁，版圖好似劏房一樣，我真係輸畀佢。我唔諗住參與，只係真係太逼，我支持唔住！」笑稱子珊曾經是一分子，似乎很難劃清界線，她則笑說：「我初初聽到黃宗澤，我即想走，但係個角色好吸引，好大發揮，講真嗰句，黃宗澤係一個好好嘅拍檔，觀眾又好受，希望可以有新嘅火花，但係緋聞一定謝絕，我好堅決，一定唔鍾意細佬。」原來今次劇情安排她會扮同性戀戀上胡定欣，兩人更會有些曖昧的激烈戲。
胡定欣坦言不怕與黃宗澤傳緋聞，她笑稱自己並不是在黃宗澤選擇之內。
轉嗒胡定欣
被子珊形容「版圖好似劏房一樣」的黃宗澤，他笑說：「佢係豪宅，女中筍盤，但係我哋嘅關係係好兄弟、好姊妹，只要大家手下留情，我就冇劏房。」他與胡定欣在劇中飾演夫婦，他稱可以放心拍劇，因一定不會傳緋聞。
胡定欣則稱不介意與子珊拍親熱戲，她說：「我唔會覺得尷尬，徐子珊最出名係個嘴唇嘟嘟，都好想試吓，但係監製話呢啲題材都幾敏感，可能會改變喺意識上等觀眾知道點解會咁做。」對於黃宗澤稱與她拍劇很安心，她笑說：「佢肯定好安心啦，我一定唔係佢選擇之一。」此外，提到三哥苗僑偉因私人理由辭演，監製莊偉建表示劇本已全改，沒有了三哥的角色。
徐子珊（左）笑稱黃宗澤的緋聞版圖有如劏房，令宗澤好嬲又好笑。
徐子珊（左）與胡定欣在劇中有親熱戲，她們應要求先來戲前熱身。
鄭俊弘稍後要拍劇兼為《星夢傳奇》練歌，他笑稱會爭取空檔練習。
from:
http://hk.apple.nextmedia ... 130822/18388815
