DaDa陳靜宣佈退出幕前，有人質疑佢只係發脾氣，有人真心相信佢話自己有情緒病及心理狀態欠佳，故需要停止一切演藝工作。不過，這只是開始。賠錢解約，有排搞。
綜觀網上，不少藝人都力撐DaDa退出的決定，但亦有不少人乘機抽水發表意見。好似龍小菌嘅經理人兼「疑似男友邵子風」，就寫道喇：「考慮退出，可以做幾單；退出，可以做幾單；考慮復出，可以做幾單；復出，又可以做幾單！呢條橋，恆久不衰！」
邵子風冇指名道姓，但此言一出，馬上俾網民「重作」，寸爆謂:
「考慮蒙面，可以做幾單；脫罩，可以做幾單；考慮再笠罩，可以做幾單；再除罩，又可以做幾單！呢條橋，恆久不衰！」錯喇，何止幾單？由為咗音樂決定蒙面，到為咗一名失聰歌迷除罩，到為咗一眾莘莘學子而去做收費最貴嘅補習老師，仲要係錯字連篇，水，唔係咁易抽的。
from:
http://hk.apple.nextmedia ... 130810/18372866
