吳君如賀牛一，葉問打孖上

噚日係吳君如48歲生日，前晚佢喺中環開party，喺圈中人緣極佳嘅佢，除咗有自己人陳可辛、細佬吳君祥同女友江美儀捧場，仲有梁朝偉、甄子丹、張家輝、薛凱琪、曾志偉、邱淑貞、沈嘉偉、陳妍希同偉仔舊愛曾華倩等到賀。

舊愛杜德偉（右）開心到場，仲同太太送咗支香檳畀君如（中）。

舊愛送香檳

最矚目當然係偉仔同子丹兩位葉問難得同場，佢哋雖然冇即場切磋武藝，但就俾陳國熹拉住影合照，君如舊愛杜德偉（Alex）都有到賀，佢哋仲好大方合照，馮仁昭噚日打畀Alex，佢話同太太送咗支香檳畀君如做禮物，問佢有冇喺party度唱歌助興？Alex話：「冇，成班人食飯贈興，大家廿幾年好朋友，年紀大，見面傾偈箒！」

張家輝噚日就話：「搵個藉口聚吓，通常都係有人生日，一年都搞好多次。」佢又話酒量唔好，飲親都要攬住個桶，問佢送乜畀君如？家輝話：「送水晶擺設又冇用，封利是又唔知幾多錢，都係實用禮物為主。」

薛凱琪因為拍《百星酒店》同君如friend咗，佢話：「佢好nice，大家都係獅子女，性格有啲似。」佢又話玩得好開心，自己有飲酒但冇醉。
from:http://hk.apple.nextmedia ... 130803/18361616

吳君如昨日48歲生日，前晚獲老公陳可辛和一班圈中好友包括兩位曾飾演葉問的梁朝偉、甄子丹及舊愛杜德偉等為她賀壽，曾揚言想搞睡衣派對的她，雖然終於打消念頭，但依然玩得盡興，狂隊酒開心到癲！

入行32年的吳君如在圈中廣結人緣，昨日她48歲生日，前晚相約一眾好友包括梁朝偉、甄子丹夫婦、曾志偉、鍾鎮濤、范姜、曾華倩、張家輝、陳妍希、薛凱琪、杜德偉等慶祝生日，其丈夫陳可辛原本身在外地忙於工作，也特別度期返港冧老婆，當晚派對足足有三、四十人，非常熱鬧！而雖然君如日前曾表示想開睡衣派對慶祝生日，不過當晚卻「縮沙」，未見她穿上性感睡衣上陣，眾人只是悉心打扮赴會，享用美酒佳餚。

對舊情毫無芥蒂
穿上白色連身裙的壽星女君如，風騷滿場飛，不時攬着好友合照，見她與舊愛杜德偉影相，可見對舊情毫無芥蒂，表現得落落大方。另一邊廂，葉童老公陳國熹亦趁機拉攏兩位一代宗師梁朝偉和甄子丹合照，當踏入凌晨十二點，眾星捧出大蛋糕為君如賀壽，並開心來張大合照。要數君如的好友名單中，最新面孔算是台灣女神陳妍希，二人去年認識後一見如故，更有傳去年君如在生日會上介紹妍希BB給古天樂認識，今年君如生日未見古仔現身，只見妍希BB單拖出席，她不忘在微博寫上：「好快一年又過去了，謝謝他一直的疼愛，生日健康快樂呀！you are the best，love you always！」

被封「不科學大美女」

張家輝在電話中自爆當晚開心到飲醉，又說：「其實嗰晚唔可以叫咩Party，只係大班熟朋友，搵個藉口約出嚟食飯，君如無諗過大搞，（有冇送禮物？）梗係有啦，不過送乜就唔講喇，總之係實用嘢！（有冇飲醉？）有呀，其實我最唔飲得又唔好酒，但係咁高興梗係攬住個筒埋單啦！」他又直言君如愈大愈fit，並說：「佢同我係同一健身教練，依家佢腹肌勁過我！」至於黃偉文在微博也忍不住封君如做「不科學大美女」，他說：「這是違反自然的！但你真是我認識的人之中唯一無負『愈大愈靚』4個大字！」薛凱琪亦有留言說：「謝謝你常常帶給我們那麼多的歡樂，懂得和喜歡逗人笑的人是善良和美麗的人。」
from:http://orientaldaily.on.c ... /00282_032.html