港姐冠軍陳庭欣與港男緋聞男友翟威廉早年被本報率先踢爆同居，雖然兩人堅稱是好朋友，但本報日前發現兩人拍拖醫肚，期間走到少人地方更三度「手揩手」，但迎面有人即避忌縮手，男方更不時情深款款望實女友。
翟威廉與陳庭欣愛得避忌，在人多地方表現閃縮。
陳庭欣（Toby）與翟威廉拍拖已是半公開秘密，不過兩人為免影響事業發展地下情，早年已被本報獨家披露同居關係，但兩人依然死口唔認拍拖，有圖有真相，本周四兩人出現男方寓所樓下的商場拍拖「濕平」及醫肚。
糖黐豆睇戲
戴上黑超穿長裙的Toby全程黐實男友，由於撞正食飯時間，大部分食店外擠滿食客，兩人怕被認出未有排隊，不停在商場兜圈，期間去到少人地方，兩人即心有靈犀手揩手，當有人迎面而來即避忌閃開，最後孖實入戲院睇3D《變形金剛：殲滅世紀》，當日是該片首日上映，兩人先睹為快。
陳庭欣與翟威廉邊行商場邊玩揩手仔。
陳庭欣默認與翟威廉的關係要好。
記者昨日致電兩人求證，他們繼續以好朋友相稱，問到是否拍拖？Toby默認說：「都係咁啦！（依家同翟威廉咩關係？）好好好朋友。」翟威廉則說：「冇特別關係，都係朋友。」而兩人的共同朋友莊思明對好友戀情三緘其口：「佢兩個點答先？作為朋友，最緊要佢哋開心。」
from:
http://orientaldaily.on.c ... /00282_015.html
