在銅鑼灣開設中高檔日式餐廳的陳庭欣，最近竟走到天水圍某商場賣日式咖喱飯盒，轉行大眾化路線。身為香港小姐冠軍的她，更放下身段，百分百投入，派傳單、聽電話，事事親力親為。
陳庭欣在天水圍開舖，售賣日式咖喱飯盒。
2010年香港小姐冠軍陳庭欣（Toby）繼在銅鑼灣樓上舖開設中高檔日式餐廳後，早前更擴充業務到天水圍一商場，投資六位數開舖走大眾化路線，售賣日式咖喱飯盒。陳庭欣雖然貴為港姐冠軍，但做起生意上來亦落手落腳，百份百投入。由派傳單、接外賣電話及在廚房打點也親力親為，老闆認真唔易做。
諗新口味吸客
陳庭欣兩間舖頭路線大不同，一間中高檔、一間走街坊、學生哥大眾化路線，她說：「我主要係負責試食試味，喺天水圍開舖係拍檔意思。大家計過條數，同埋睇過附近冇呢類日式咖喱飯，投資唔算好大當係一個嘗試。依家舖頭開咗兩個幾月，生意都唔錯，好多謝班街坊支持。」講到開舖困難？庭欣說：「大問題就冇乜，係要不斷諗啲新口味，好似初時只係賣咖喱豬扒飯，依家會多咗日式牛肉飯，畀多啲選擇街坊。」
陳庭欣不斷嘗試調製新口味吸引街坊。
陳庭欣放低港姐身份，落手落腳在舖頭幫手打點。
睇日韓劇偷師
陳庭欣除創業上有新嘗試，近期亦忙拍劇集《樓奴》，於劇中演拜金港女，她說：「角色都有發揮機會，事前都睇吓日韓劇偷師，但自己覺得最難係喊戲。可能我性格容易開心，有兩場喊戲都喊唔出，要花時間培養感情先喊到。」
採訪、攝影：影視組
From:
http://orientaldaily.on.c ... /00282_039.html
