黃翠如被笑木瓜補形

緋聞男女黃翠如和洪永城（Tony）昨日到又一城出席活動，洪永城竟以木瓜取笑黃翠如身材太瘦，他說：「我鍾意有肉同好攬啲嘅女仔，坊間流傳木瓜有健美功效，佢太瘦，啲骨成日拮到我。」

兩人主持的新一輯《走過浮華大地》月底播出，昨大會形容兩人是「旅遊螢幕情侶」，兩人否認相戀，又不斷針鋒相對，黃翠如說：「真戀情好怕擺上枱面，所以我哋呢啲好流，同佢有好大鴻溝。」她又再感激周潤發鼓勵：「套劇一出本來有唔同評語，我自信冇乜，發哥讚我，對我係畀心機向前行嘅甜品。」
from:http://hk.apple.nextmedia ... 130802/18359776

黃翠如第二套擔正女主角的劇集播出後收視理想，令她在無綫女主角位置站穩陣腳。拍攝時最令翠如BB難忘的是喊戲特別多，最誇張一日斷斷續續拍了十二小時喊戲，難怪平時硬淨少喊的她笑謂這套劇花了她一生人眼淚。

翠如希望觀眾睇《衝上雲霄Ⅱ》也順帶欣賞《師父‧明白了》。

黃翠如擔正的無綫劇集《師父‧明白了》緊接重頭劇《衝上雲霄Ⅱ》時段播出，她坦言對收視沒有太大壓力：「我自己都一定會睇《衝Ⅱ》，希望觀眾睇《衝Ⅱ》之前都睇埋我哋。我哋唔係大製作，但《師》劇係所有演員用咗好多心血、眼淚拍出嚟。」

收視理想有交代

性格樂觀的翠如坦言拍攝初時擔心喊唔出。

第二次擔正女主角的翠如逐漸適應拍劇節奏。

翠如BB的如意算盤打得響，劇集受《衝Ⅱ》帶動下收視理想，成績有交代。第二套無綫劇擔正女主角的她說：「呢套劇感覺好好多，有第一套嘅經驗已經了解咗拍劇嘅運作，唔會好似第一套咁唔識啲機位、燈光，呢套少咗呢啲技術上問題，相對可以專心投入角色。」

性格樂觀極少喊
性格樂觀的翠如BB平日極少喊，但因劇情借鏡「梁祝」淒美背景，令她開工時經常要梨花帶雨，拍劇時用了她一生人的眼淚。她說：「拍到尾情緒都好低落，拍完要一段時間先變番正常。尾段劇情好傷感、生離死別，嗰排一入廠就好傷心，試過有一日斷斷續續咁喊咗十二個鐘。自己平時好難喊，最初都擔心喊唔出，但劇本真係寫得好好，令我好容易入戲。」
from:http://orientaldaily.on.c ... /00282_044.html