在港有不少fans的英超勁旅曼聯，前晚在大球場跟香港甲組球隊傑志進行友誼賽，雖然大球場草地質素欠佳，幸好比賽順利舉行，結果曼聯以5比2贏了傑志。前晚不少藝人和名人睇波，除了梁漢文和好友谷德昭外，還有霍震霆及兒子霍啟山、林建岳、羅傑承、李丞責和劉倩婷等。近日在紅館開騷的陳奕迅（Eason）剛巧前晚休息，即與朋友到大球場睇波，見他戴上黑帽及白tee，表現投入。
不用開騷的陳奕迅前晚捧場看曼聯對傑志。
巨聲幫的謝東閔和何雁詩也結伴而來，問是否只有他們兩人？謝東閔起初答是，但隨後又改口說：「仲有朋友喺上面。」劉倩婷和李丞責未完場先走避開人潮，她說：「好睇，好多入波，傑志踢得好。」
霍啟山西裝骨骨現身大球場。
鄭欣宜舊愛Mark前晚拖新女睇比賽湊熱鬧。
王菀之被寸
此外，自稱討厭政治的王菀之前晚在微博留言問：「我想問，點解塊草披咁爛……」怎料被網友指她多日沒看電視，又寸她「政治嘅嘢你唔明喇」，但也有網友解釋給她知，王菀之隨後回應：「多謝，我完全明呀，討厭絕不等同不理會，唔知你認唔認同？有啲人坐喺度不斷評論人嘅時候，我背後為社會做好多義工，唔知你又信唔信呢？Anyway,no hard feeling……」無綫昨公佈明珠台播映的曼聯對傑志收視，平均收視8.2點（約53萬觀眾），最高收視為11點（約71萬觀眾），暫時是今年全港英文台收視最高節目。
謝東閔和何雁詩結伴出現，表現有點避忌。
李丞責和劉倩婷兩夫婦興趣相投齊齊睇波。
from:
http://hk.apple.nextmedia ... 130731/18356673
