近年定居北京的歌手巫啟賢，重臨香港開騷，邀得好友曾志偉和女兒任嘉賓，和巫啟賢分屬死黨的志偉在台上笑指巫啟賢有才華但為人賤格，巫啟賢則反擊他喜愛打人塊面，認真抵死。
志偉現身，自然笑彈不絕。
闊別香港十六年，巫啟賢重踏舞台在會展舉行一連兩場的《那些年我們一起唱情歌》演唱會，前晚頭場演出邀得草蜢、曾志偉和女兒歡歡擔任嘉賓，全晚大唱多首經典歌的巫啟賢，獲13歲的女兒歡歡彈琴伴奏兼自彈自唱表演。巫啟賢笑指女兒：「佢細個好似我，仲擔心第時要好多嫁妝先嫁得出，好在愈大愈似媽媽。」
囡囡有潛質
視女兒如掌上明珠的巫啟賢又向着女兒自問自答：「你有沒有男友？如果有的話我殺了他。」引得全場大笑。其後又解釋讓女兒上台的原因：「畀個女上台，想佢感受吓爸爸搵錢幾辛苦，等佢以後買少件衫。」在旁的歡歡則回答：「可能我以後賺錢比你多呢！」
巫啟賢情歌一首接一首，台下觀眾反應熱烈。
巫啟賢的13歲女兒歡歡自彈自唱，毫不怯場。
張崇德與太太劉美娟到後台探巫啟賢班。
另一嘉賓曾志偉就和巫啟賢合唱兼互相取笑，志偉稱巫做歌唱評判做得多，叫他試評女兒的表現，巫就笑笑口說：「年紀仲細，把聲未開，但好有潛質。」志偉即指：「咁細個你仲要佢出嚟唱？」又自稱代表TVB而現身，希望邀他回去繼續任節目評判，又大讚巫唱功了得：「點解唔可以好似阿倫咁紅？因為佢太有性格，仲係賤格嗰隻，睇吓佢做評判鬧到人咁就知。」巫即反擊志偉愛打人塊面，其後再親吻志偉額頭，兄弟情表露無遺。
對於女兒擁音樂天分，巫啟賢接受訪問時透露她現時年紀尚輕應專心學業，到日後若有意入行，要先經過他評估：「我要求好高，如果佢係得先畀佢入行。」
from:
http://orientaldaily.on.c ... /00282_024.html
