張智霖甜言

張智霖（Chilam）憑《衝上雲霄II》Cool魔角色人氣勁升，蘇志威（阿細）與友人合資的男士禮服店於中環分店舉行開幕禮，特邀Chilam任剪綵嘉賓。蔡一智和蔡一傑等也有出席。Chilam魅力非凡，吸引大批市民店外圍觀。他表示和草蜢相識廿年，阿細每個重要時刻，他必定有份參與。

張智霖出席老友蘇志威男士禮服店分店開幕，還擔任剪綵嘉賓。

「我封咗盤」

大受歡迎的Cool魔令Chilam身價提升，他笑說：「今日收嘅仲貴過平時，唔好以為我唔收錢，阿細好好，自動波畀我，仲畀我一世西裝。」對於盛傳他離開唱片公司Neway，他說：「未知，近來以拍劇為主，冇時間出碟。」有指陳曉東代替他的位置，Chilam大讚東東是實力派歌手，亦希望聽到他唱歌。會否不續約？Chilam說：「做唱片宣傳有啲攰，等我唞足精神，之後再發力。」

提到Chilam在《衝II》與女對手有不少激情戲，加上他有異性緣，有指老婆袁詠儀（靚靚）要拜神箍實他，Chilam無奈地說：「有劇出就有呢啲傳聞，都唔知點解會影到我去新加坡。」笑指他獲封筍盤，Chilam笑說：「吓？我封咗盤喎！拍劇有幾happy，只係劇情，亦唔係呢套劇重點，如果係要箍，廿年前就箍，佢𠵱家好放任我，因為我對佢死心塌地。」Chilam又謂大家的財政獨立，還肉麻說：「我個心（對住靚靚）仲係卜卜跳。」

張智霖與蘇志威（左）相識廿年，感情猶如兄弟一樣親。

袁詠儀前日在北京宣傳時，表示不介意老公張智霖拍激情戲。

張智霖魅力非凡，吸引大批女粉絲在店外圍觀。

此外，靚靚前日在北京宣傳內地劇《龍門鏢局》時，對於Chilam在《衝II》有不少激情戲，氣定神閒的她直言不介意，笑說：「最好多一點，好東西不能浪費。」靚靚表示跟老公合作過，差點吵起來，因為大家有不同看法，為了家庭幸福，不會和他演戲。
from:http://hk.apple.nextmedia ... 130728/18352312

人氣急升的「Cool魔」張智霖（Chilam）昨日出席好友蘇志威主理的男士服裝店開幕禮，Chilam到場時令圍觀市民起哄。有指袁詠儀（靚靚）要拜神箍實老公Chilam，Chilam昨向靚靚發表愛的宣言：「我封咗盤，我對佢（靚靚）死心塌地，唔使箍住。」

張智霖說與老婆袁詠儀財政獨立。

蘇志威主理的男士服裝店昨日在中環開幕，蘇太劉小慧當然要撐場，而蘇志威好友張智霖、蔡一傑、蔡一智及趙學而等亦有現身。開幕儀式在店外舉行，有數十名市民圍觀。Chilam甫到場市民即起哄，他受訪時表示與蘇志威是20年好友：「我發現每個重要時刻都喺佢身邊，佢結婚我做兄弟，生意開張我又撐場。」他更笑言這次做嘉賓收得特別貴。

「對佢死心塌地」

提到有傳老婆袁詠儀（靚靚）拜神箍住他，Chilam指是傳聞，並當新劇宣傳：「咁啱又影到我喺新加坡度假，影得我咁肥，要keep fit先。（你係城中筍盤？）封咗盤，如果真係要箍，20年前就箍啦，我對佢（靚靚）死心塌地，唔使箍住。（財政係咪老婆管？）唔係，財政獨立。（即係揸住你個心就夠？）係。」另邊廂，在北京宣傳內地劇的靚靚又說不介意老公拍激情戲，果然夫唱婦隨。

蘇志威率眾嘉賓為醒獅點睛。

趙學而現身支持蘇志威。

有指Chilam另一好友郭富城有新女友，更是Chilam介紹，Chilam說：「無中生有，同個女仔唔識，拍過一次戲。（城城唔使你介紹？）我封嘴。（覺唔覺啲女仔自我宣傳好勁？）唔想評論個別事件。」

日前有報道指Neway找歌手陳曉東取代Chilam的位置，Chilam讚對方是實力歌手，相反自己唱歌唱到倦，想休息後再唱。

蘇志威斥八位數
蘇志威說這次與朋友投資約八位數：「裝修、租金、宣傳，都900萬，遲啲巴士車身都有宣傳。（搵兄弟做代言？）好貴喎，今日會封番大利是畀佢哋。」
from:http://orientaldaily.on.c ... /00282_020.html