徐子珊盛女晒玉背

徐子珊、翟威廉同羅天宇等噚日喺尖沙嘴幫明珠台宣傳，其中子珊件衫前面睇冇乜嘢，不過原來係大露背，都幾搶鏡！啱啱拍完無綫劇《My盛Lady》休息緊嘅子珊仲話要減肥，因為嚟緊要拍時裝廣告，佢希望可以一星期減到幾磅，佢又講笑話唔擔心上圍縮水，因為佢根本就冇（身材）。講到佢都係盛女，子珊話呢啲嘢急唔嚟，要揀啱先得，唔會胡亂約會。
from:http://hk.apple.nextmedia ... 130725/18347761

藝人徐子珊昨日為明珠台外購劇集《福爾摩斯新傳》進行宣傳，一襲露背裝亮相露出玉背，份外搶鏡。身形纖瘦了不少的她，透露正準備為時裝品牌拍攝廣告，故積極節食、做運動和做機減肥修身，至今已瘦了數磅。

沈震軒（左起）、徐子珊及翟威廉為明珠台劇集宣傳。

徐子珊自言被媽咪催拍拖，但被勸不要亂來。

入市買樓
問到有否因減肥而令上圍縮水，她笑說：「我一向都無乜o架啦，荷包縮水就有，因為做機減肥都要錢。今次同個品牌合作咗四年，每次酬勞都有加幅，滿意嘅。」近期忙得不可開交的她，透露稍後會到台灣拍攝電影，又會到新加坡為公司宣傳，亦會到雲頂開演唱會和出席北京電影節，故會短期內四圍飛。

問到工作頻密豬籠入水是否有意再入市買樓，她說：「咩又呀，我依家都係同母親一齊住o架。不過應承過今年置業，畀父母退休住得舒服啲，不過樓價真係好貴，要等佢再跌啲先有能力。」

怕去飯聚
問到是否打算購入豪宅，她說：「唔係，不過媽咪對住係有啲要求，咁我都想佢哋住得舒服啲嘅。（對你揀男友都要求高？）佢都有催，話要急，但又唔好亂來。仲叫我唔好嘥時間，要揀啱、係結婚條件對象先好去拍拖。搞到我依家連朋友食飯聚會有男仔介紹嘅，我都唔敢亂去。」
from:http://orientaldaily.on.c ... /00282_040.html