老銅啜5次 黄子華扮「扒」氹子珊搵黃子華救亡嘅無綫劇集《My盛Lady》，上週三（10號）晚喺銅鑼灣拍煞科戲，全體演員出動。結局係講黄子華因為激嬲子珊，而要喺銅鑼灣街頭扮「牛扒」，仲要俾班friend踩上身，希望搵命博打動子珊，結果當晚箍煲再求婚大團圓結局。
當晚子珊有咀戲又有喊戲，仲要喺銅鑼灣街頭被成村途人圍住指手劃腳眼望望。好彩子珊都冇失禮，喊戲唔使用眼藥水，導演一roll機即刻開水喉咁款，之後拍咀戲，導演拍咗4，5個shot，變相子珊要錫子華4、5次先搞掂。同場仲有同佢傳不和嘅陳敏之，二人鏡頭前後都冇咩交流，不過當日子珊拍清所有戲分，臨尾仲攬咗敏之一下添呀！係風度定交戲先？
最後子華同子珊激吻收場，喺銅鑼灣崇光百貨後面街拍。現場近百市民圍觀、影相、起哄，真係請老臨都冇咁合作。
當晚子華要扮牛扒被江美儀等老友跳上去踩，從而感動子珊，好彩「牛扒」入面一早放晒枕頭。
大結局full cast出場。高海寧喺戲中飾演徐子珊細妹，ending戲就冇得性感喇，行行企企就收工；反而最爆係企喺最後嘅黄子華笠咗件「扒」上身。
臨尾和好
拍清所有戲分，徐子珊好識做，攬一攬同佢傳不和嘅陳敏之先收工走人。
堅喊見子華被咁多人踩，子珊當然受感動爆喊。呢啲苦情戲當然難唔到子珊，喊咗3、4次，導演全部一take收貨。
