中BB降 林峯帶埋千語開工同吳千語撻着半年有多的林峯，一度停工帶BB三度外遊，又反常公開恩愛，今個月初要返橫店拍內地劇《大漢賢后衞子夫》的他，竟然掛住女友掛到忍唔住多次向劇組請假返港。上週林峯又不顧冧廠，點都要攞一日假回港慰BB，之後仲索性帶埋女友返橫店，對住開工。
痴纏林峯，中BB降！
返港帶走BB堅持請一日假返香港的林峯，為要分秒必爭，覺都唔瞓搭最早一班機離開杭州。上週六（七月十三日）上午十點左右，一身黑的林峯返抵香港，出閘後心急跑去停車場，登上早已等候的保母車，向BB位於中半山寓所駛去。廿四小時不能浪費分秒！是日林峯和BB「困獸鬥」，未有外出，要剪頭髮的林峯甚至用保母車運送髮型師上門。第二朝七點，唔捨得同女友分隔兩地的林峯，索性hand carry BB上機，一齊返橫店。下午林峯要埋位開工，BB亦毫不避忌，陪住男友，黐到實！
攬BB過城樓小橋
片場十指緊扣
拖BB行長命斜樓梯
為BB擔遮BB怕曬，林峯校啱時間擔遮出路口迎接BB，好周到。
劇組冧檔「就算BB自己留喺香港，林峯都好難專心，只要手機一響，佢就會叫停機講電話，唔使埋位又係講住電話！」劇組人員說。
掛住BB外，有指林峯今次在橫店拍劇期間，心情非常麻麻。
「一來天氣熱，成四十度拍古裝，真係好辛苦；加上個女主角（王珞丹）又霸道，林峯同佢幾乎係唔瞅唔睬，兩個人到而家都係咁。其實今次林峯又突然請假返香港，都搞到劇組冧檔，要搵替身頂佢，但打戲就話搵替身唔多覺，文戲用替身好易穿崩；等到佢第二日返到嚟，咪一樣要再補拍，其他演員又要拍多次，梗係唔高興啦。」
中了BB降的林峯，今次「打包」女友去橫店，即時變得生猛！週一晨早六點化妝通告，林峯一個人入片場，到中午十二點，瞓醒的BB才坐保母車到外景埸地中宮樓，但她未有即時落車，直至細心林峯擔住遮出現，怕太陽怕曬黑的BB才肯落車。
林峯會合BB後，保母車又運送髮型師加助手到BB屋企替他剪髮。
上週六返港林峯請假回港留一日，全身黑打扮的他，由抵港閘口側邊的隙位閃走，慌死俾人發現。
中午十二點，瞓醒覺出發到片場陪林峯的BB，見陽光猛烈即皺晒眉。
記者會當日，林峯拖住王珞丹行紅地氈，不過戴住千斤重頭飾的林峯，笑容欠奉。
十指緊扣是日通告收工時間預定下午五點，但有BB陪住，林峯零舍醒神，全程無NG，順利到全組人收四點。
極速換衫走人的林峯孖住BB十指緊扣走過中宮樓的小拱橋，其間突然向後轉，攬實BB推來推去玩了一陣，又拖番手落樓梯，然後上保母車直返酒店，一直未有外出。
「林峯本來話過唔想女友嚟橫店探班，因為BB皮膚白，好怕曬黑，估唔到佢今次又突然湊埋BB上嚟！其實劇組已經有晒準備，搵定三個替身，萬一佢要飛返香港都有人頂住，不過而家BB喺度，林峯唔使成日心掛掛，進度應該快好多。」工作人員說。
林峯在橫店開工，留港BB則密密接騷，早前夥同苟芸慧一肥一瘦出席新車發布會。
少有在港的林峯，就連出席活動也揀在內地，近距離同粉絲玩遊戲。
6月返過香港的林峯，亦係為咗同BB食飯撐枱腳，愛到發燒。（《蘋果日報》圖片）
有指拍內地劇《陸小鳳》期間，黐到實的BB亦有飛內地探班。
肉麻當有趣三十三歲的林峯自從戀上十九歲千語BB後，成個變晒！拍拖大半年，林峯如中降般同BB難捨難離，肉麻程度，連十幾歲嘅仔都自愧不如。
情歌冧女
今年初，於《勁歌總選》首次攞「最受歡迎男歌手」獎的林峯突然公開「多謝BB」，之後在紅館開個唱，唱新歌《BB》時隔空同在場的吳千語互冧，十分寃氣。
全包外遊
多謝完BB，林峯再慰勞女友，十九日內同BB三度外遊，兩遊日本，再飛意大利米蘭，陪女友買名牌兼找數。
七愛宣言
被吳千語冧到暈的林峯，四月錄影《勁歌金曲》時，竟向傳媒當眾宣告：「我好愛好愛好愛好愛好愛好愛好愛BB」，三十幾歲大男人講啲咁嘅嘢，驚未？
孭情侶袋
為慶祝二人第一個情人節，林峯特別訂了兩個同款不同色的Hermes袋，同BB一齊用晒恩愛。
橫店人肉速遞男藝人到拍劇熱點橫店開工，一拍幾個月，不少星太都不放心，耐唔耐就人肉速遞到現場，嚇走飛來「佳麗」兼慰夫。
JJ緊箍樊少皇
正在橫店拍《兄弟們上》的樊少皇，上月四十歲生日，女友JJ賈曉晨將自己做禮物，自動送上橫店陪慶生，JJ更盡興到當街嘔，齊齊做「醉街」情侶。
蔣麗莎咬實陳浩民
經常在橫店拍劇的陳浩民，自11年尾鬧出「狼擒陳嘉桓」事件，老婆蔣麗莎成日帶埋個女去探班，今年二月，陳浩民拍《寶珠奇緣》時蔣麗莎已現身監場，早前又以結婚兩周年為名，大住肚的她索性帶埋囡囡住喺橫店，方便實老公。
張筱蘭看守馬德鐘
橫店「狼擒」事件後，另一主角馬德鐘老婆張筱蘭亦一改作風，開始做跟得夫人！寧願放低大學教職工作，跟埋上橫店，陪老公拍劇。
