無綫重頭劇《衝上雲霄II》繼續爭番啖氣，繼暫時成為本年度首集最高收視的劇集後，前晚第二集平均收視33點（約212萬觀眾）、最高收視34點（約218萬觀眾）勁收。話題焦點仍然是飾演Captain Cool的張智霖（Chilam），前晚一集他攬完朱璇，又被陳法拉攬，花弗之極。原來角色性格是Chilam主動要求，監製兼編審歐冠英昨日在電話訪問說：「Chilam話佢希望角色要型又要風流，因為喺現實生活做唔到，希望滿足吓，大家好滿意呢個效果。」
張智霖最愛扮超人，難得陳法拉亦陪他玩，可見兩人相處愉快。
扮超人搞笑
金句王上身的「Cool魔」，一句又一句的精警對白，亦受到網民熱捧，邊睇劇邊截圖，連吳卓羲說：「自私妹，港女，膚淺，拜金女，我講幾多次都夠膽講！」轉頭Chilam狂讚女人：「我覺得每個女人都係上帝嘅傑作，世界上冇一樣嘢可以代替佢哋，個個都咁可愛。佢哋一顰一笑，甚至一滴眼淚，我會將女人當係藝術品咁欣賞。」還有一句：「我雖然靚仔，但唔係儍㗎！」認真俘虜女人心。拍攝期間Chilam亦𠱁得各人很開心，當大隊在台灣拍外景時，貪玩的他與陳法拉突然扮超人姿勢，逗得身邊人哈哈大笑。
杏兒淡淡然
現時在新加坡的Chilam昨日在電話中說：「我只係想塑造一個風流而唔下流嘅機師，估唔到有咁嘅反應，今次完全係觀眾嘅鼓勵。」網上瘋傳稱，TVB有人問監製唱主題曲的人選，監製想由主角唱，所以覆WhatsApp話「Cheung Chi Lam（張智霖）」，但有人竟將人名由右至左睇，變成「Lam Chi Cheung（林子祥）」，Chilam對此笑說：「我都有睇過，不過冇呢件事，TVB冇搵過我唱。」
吳卓羲在劇中批評港女自私、拜金又膚淺，獲網民認同。胡杏兒昨在北京被于小偉親吻額頭，笑稱有觸電感覺。
此外，有份演《衝II》的胡杏兒昨日在北京出席電視劇《如果不曾愛過你》記者會，問到是否因陳法拉的戲份越來越多，以致她的戲份被刪減淪為配角？杏兒淡然表示：「不會有這樣的事。」
from:
http://hk.apple.nextmedia ... 130718/18338202
