陳奕迅（Eason）喺紅館開25場演唱會，破晒今年歌手開騷紀錄，不過前晚佢唱到第9場狀態欠佳，開騷冇耐就同觀眾講自己唔舒服，加上佢唱咗好多唔係好大hit嘅歌，現場氣氛麻麻哋，有觀眾睇得唔係好投入，搞到Eason都有少少唔開心，忍唔住爆咗句：「咁呆嘅你哋！」
之後Eason唱快歌時仲唔跳舞，索性坐喺台度話：「你唔郁我都唔郁。」觀眾見佢咁先畀咗啲反應，有啲人仲企起身撐佢，Eason先投入番跳舞，後來佢再出場時都冇乜心機，唱《夕陽無限好》仲喪咳，衝咗去飲水，全場大合唱支持佢，氣氛變得好好，Eason話：「多謝你哋畀耐性我，其實開場我正想去廁所，係坐喺度嗰種，前兩日賴嘢，腸胃唔舒服。」最後Eason唱完《時代曲》場館開大燈，冇安哥冇拜拜就完場，當時只係10點47分，觀眾都O嘴。
粉絲fb力撐
噚日Eason休息一晚，大會發言人話：「佢喉嚨有少少唔舒服，唱到《夕》就嗆親咳咗一下，可能有少少作感冒，休息可以睇醫生，應該冇大礙。」Eason新歌《主旋律》MV曝光，充滿科幻味道。此外，有粉絲喺facebook開咗個「陳奕迅的歌陪住我長大」專頁，留言祝Eason早日康復，仲叫佢好好養聲。對於有人指Eason唔安哥就係呃錢，專頁管理員就話：「唔該過主，呢個page唔歡迎你！」
陳奕迅（Eason）喺紅館開25場演唱會，破晒今年歌手開騷紀錄，不過前晚佢唱到第9場狀態欠佳，開騷冇耐就同觀眾講自己唔舒服，加上佢唱咗好多唔係好大hit嘅歌，現場氣氛麻麻哋，有觀眾睇得唔係好投入，搞到Eason都有少少唔開心，忍唔住爆咗句：「咁呆嘅你哋！」
之後Eason唱快歌時仲唔跳舞，索性坐喺台度話：「你唔郁我都唔郁。」觀眾見佢咁先畀咗啲反應，有啲人仲企起身撐佢，Eason先投入番跳舞，後來佢再出場時都冇乜心機，唱《夕陽無限好》仲喪咳，衝咗去飲水，全場大合唱支持佢，氣氛變得好好，Eason話：「多謝你哋畀耐性我，其實開場我正想去廁所，係坐喺度嗰種，前兩日賴嘢，腸胃唔舒服。」最後Eason唱完《時代曲》場館開大燈，冇安哥冇拜拜就完場，當時只係10點47分，觀眾都O嘴。
粉絲fb力撐
噚日Eason休息一晚，大會發言人話：「佢喉嚨有少少唔舒服，唱到《夕》就嗆親咳咗一下，可能有少少作感冒，休息可以睇醫生，應該冇大礙。」Eason新歌《主旋律》MV曝光，充滿科幻味道。此外，有粉絲喺facebook開咗個「陳奕迅的歌陪住我長大」專頁，留言祝Eason早日康復，仲叫佢好好養聲。對於有人指Eason唔安哥就係呃錢，專頁管理員就話：「唔該過主，呢個page唔歡迎你！」
Eason獲粉絲為佢喺fb搞個專頁，力撐冇安哥唔係呃錢，仲戥佢帶病演出而心痛。唱快歌時Eason坐喺台邊，搞笑話：「你唔郁我都唔郁。」
from:
http://hk.apple.nextmedia.com/entertainment/art/20130716/18335643
