啱啱做咗老竇嘅陳小春噚日46歲牛一，佢朝早喺微博放咗「小春子」嘅何B仔相嚟賀自己生日，真係夠曬出位轟動！之前佢話唔想囝囝個樣曝光，所以唔肯公開「小春子」嘅相，但噚日竟然將囝囝嘅重要部位公諸於世，來個反高潮，真係令大家估佢唔到。
小春喺微博公開兒子嘅何B仔相嚟賀自己生日，俾網友鬧爆猥瑣。
啱啱做咗老竇嘅陳小春噚日46歲牛一，佢朝早喺微博放咗「小春子」嘅何B仔相嚟賀自己生日，真係夠曬出位轟動！之前佢話唔想囝囝個樣曝光，所以唔肯公開「小春子」嘅相，但噚日竟然將囝囝嘅重要部位公諸於世，來個反高潮，真係令大家估佢唔到。
小春同應采兒啱啱榮升父母，十分享受湊仔樂趣。
懶理網民評論
出世只有短短8日嘅小春子，梗係冇力抗議老竇公開佢嘅生殖器官，不過好多網友都留言鬧爆小春變態：「這……小春你讓你兒子以後情何以堪」、「好猥瑣的老爸」、「小心兒子以後找你算賬！」甚至有網友話已經向微博舉報小春發放三級相，不過小春就懶理批評，完全陶醉喺第一個做爸爸嘅生日上面。
雖然有網友鬧小春咁做唔啱，但亦有網友覺得冇乜大不了，仲留言話：「好歡樂的小JJ，好歡樂的陳小春！」又讚小春係可愛爸爸，難怪小春冇刪除呢張相，繼續同大家分享佢一索得男嘅喜悅。
對於被轟變態，小春噚晚透過經理人公司發言人李小姐回應：「只係想分享生仔喜悅，冇其他意思。」
from:
http://hk.apple.nextmedia.com/entertainment/art/20130709/18327483
