鍾嘉欣將於8月22及23日在九展舉行一連兩場《星煥呈獻詩琳鍾嘉欣Love Love Love演唱會》，門票將於今日公開發售，嘉欣昨日在銅鑼灣出席記招，一向寵愛嘉欣的老闆何哲圖（Herman）、無綫高層樂易玲以及電台台長朱明銳都有撐場。今次是嘉欣加入樂壇五年來首次開個人騷，樂小姐即場問Herman可有機會加場？Herman說：「爆咗都有機會。」
鍾嘉欣希望緋聞男友伍允龍多多支持其個唱。
親自請嘉賓
嘉欣表示為了其處女騷一直keep住做運動，準備在台上勁歌熱舞，更特地學彈琴表演自彈自唱，但要同時兼顧拍電視劇的她預期會很辛苦，問到嘉賓名單，嘉欣透露已親自打電話邀請幾位嘉賓，但對方仍未答應，又大賣關子說：「有兩個女嘅前輩，我係佢哋粉絲，仲有個男唱開rap嘅。（請緋聞男友伍允龍嚟打功夫？）呢個係演唱會嚟喎，佢應該唔識rap，但買飛同嗌多啲人嚟睇就得喇。」
嘉欣更兼任演唱會的服裝指導，問她可會有性感打扮？她說：「跳舞都會扭吓蛇腰摸吓頭，但最多都係露吓腰。」她自言暫時不敢考慮加場，笑言自己是「BB」不敢行太大步，要逐步逐步行。
何哲圖（右）和樂易玲（左）與嘉欣齊開香檳。
from:
http://orientaldaily.on.c ... /00282_055.html
