唔怕同歲月競賽嘅真女人，特別令人珍惜！六十六歲蕭芳芳，時至今日，高貴如一，永遠旗袍，身形幾乎無走樣。
舊年做咗外母嘅芳芳姐，上星期六（二十二日）同已為人妻嘅大女母女咇中環shopping。結婚一年，三十一歲嘅張凱琴幸福二字，同發福身形全面掛鈎，鬆身裙平底鞋，肥咗定有咗？隨時兩樣都有齊！
芳芳姐同樓上七張七嘅四哥謝賢，係粵語片時代銀幕情侶，兩個都keep得咁好，絕對值得你我學習。
芳芳姐身形fit爆，相反結婚一年嘅大女張凱琴吹脹晒，著鬆身裙平底鞋，莫非芳芳姐就快做外婆？
樓上嘅謝賢坐Rolls，但踏實嘅芳芳姐就冇行Joyce，只係陪囡囡入咗Club Monaco。
