現實社會講機遇，工作同Mr.Right，隨時一閃而逝，呢種體會，入行十年嘅過氣餅女Miki（楊愛瑾）應該好深刻。08年同永安百貨太子郭永淳拍拖，因為對方前一段婚姻手尾未了，俾人當第三者嘅Miki近幾年工作幾乎零進展。
犧牲唔要麵包，用五年時間保護一段感情，Miki終於等到機會再起步。幫無綫拍咗兩套劇，對手分別有謝天華、張兆輝、周海媚，另有一個係黃宗澤，卡士唔弱。無綫有大量過三張花旦，28歲Miki仲有得玩。
上星期三（十九日）晚八點，做完嘢嘅Miki一支公喺ifc嘅City'super買咗幾隻麵包，跟住就行落港鐵站，排隊等六蚊小巴返屋企，連卅蚊的士錢都慳番。
小巴站大排長龍，等到第二架先上到車嘅Miki，上車前禮貌揮手bye bye。
去超市唔花錢掃貨，Miki買咗幾隻麵包就閃。
