餅女楊愛瑾（Miki）跟永安百貨太子郭永淳拍拖後，因男友與前妻伍智恒的感情糾紛未了，Miki亦刻意低調；直至去年底，郭永淳與前妻在法庭上解決了贍養費問題後，Miki才重新活躍，簽了新公司，連拍兩套無綫劇，八月拍電影做女主角，下月書展又出書加單曲。水著晒身材，28歲的Miki，仲睇得吓！
無錢交租楊愛瑾○八年與永安百貨太子郭永淳撻着時，正值男方與前妻為辦離婚的問題拉鋸中，捲入三角關係的Miki，更被指為第三者，令形象大打折扣。
「嗰段時間Miki情緒好低落，佢哋開始嘅時候，阿淳已經搞緊離婚，所以唔關Miki事，但啲報導就話佢係第三者，仲影響埋接job，嗰陣佢成日匿喺屋企，唔願出街唔見人。
「外面啲人成日以為阿淳屋企好有錢，其實佢老豆只係永安百貨非執行董事，仲退埋休，冇控制永安百貨嘅控股權同決策權，手上只係得0.05％公司股份。阿淳讀書叻，自己出嚟做嘢賺錢唔係富二代，當時身邊嘅朋友同屋企人都知道件事係點，Miki甚至試過連屋租都俾唔到，要問屋企人借錢交租，但出面啲人就話佢跟咗個有錢人唔使做。」Miki身邊好友說。
Miki少有性感出現，今次相集騷出33B身材，雖然沒有倒奶感覺，但勝在夠平均。
這個在水底拍攝的鏡頭影足16小時，完成後Miki手腳浸到甩晒皮。
擁有42吋長腿的Miki，在相集內騷盡長腿。
即將在書展出文字相集的Miki，沒有刻意賣弄性感，只有一些健康性感相片。
洗底入屋入行十年的Miki，○九年與金牌大風解約後簽約種星堂，三年來只偶然出席商業活動，去年滿約後，Miki見自己再過兩年便三張，不能再磋跎歲月，於是再轉公司，重新出發。
「悅目影畫係間新嘅電影公司，同安樂電影有關係，最緊要係公司俾到信心Miki，鋪路安排拍無綫劇集洗底，嚟緊書展會出文字相片集，仲整多隻單曲隨書附送，有歌可以幫到接內地登台job，公司八月會開套戲，佢做女主角，有晒全盤計劃所以Miki會搏到盡，珍惜今次機會。」
郭永淳與Miki拍拖幾年，經歷了不少風浪，兩人感情依然，一起共渡難關。
新公司的老闆Matthew，是05年與Miki合作獨立電影《b420》的導演，影片曾在福岡電影節得獎，兩人早已有默契。
在過去幾年的人生及事業低潮中，Miki幸有家人的支持，才能咬着牙關撐過去。
失敗中學習新歌已經錄好，新書亦接近完成階段，Miki早前獲泰國旅遊發展局安排，到當地拍攝新書相片，造型多之餘，亦不乏性感。
「書入面嘅內容係呢幾年自己嘅經歷，價值觀、感情觀唔同咗，過去十年工作起起跌跌，我踏入社會後遇到嘅問題，喺失敗中又學到啲乜都會有；我一方面想同大家分享，另一方面又想大家了解我多啲。至於啲相，尺度OK啦，健康嘅性感，唔係刻意暴露，有好多唔同造型，到時大家就會睇到。」Miki說。
最近，Miki與黃宗澤在新劇集《貓屎媽媽》中，合演過氣情侶。
成功洗底後，Miki得到無綫支持，找她與周海媚、謝天華、張兆輝等人合作拍攝新劇《神槍狙擊2013》。
Cookies由九變四時，剩下Miki、Theresa、Kary及Stephy，如今她們各有各發展，感情亦不再。
歌手片𡃁模𡃁模十居其九倒模膠樣加僭建，性感寫真千篇一律，今年書展多咗班歌手湊熱鬧，宅男擘大眼，慢慢揀。
魔鬼胸蔚雨芯
傍住阿叻去墨西哥拍旅遊特輯起朵的「魔鬼胸」蔚雨芯，出碟冇人知，改出半裸寫真搏一鋪，為避與𡃁模書展正面交鋒，提前於六月底推出食頭啖湯。
嘉欣BB騷少少
玉女接班人嘉欣BB出處女寫真。雖然事先聲明三點式外會加T恤遮遮掩掩，但有BB清純光環，唔使去到盡，留後着再「打劫」fans荷包。
連詩雅露背吸客
身材均勻的連詩雅，上圍唔算有睇頭，處女寫真以三點式示眾亦不會帶來震撼效果，主菜是半裸露背，玩型格性感。
