孭飛做女主角兼埋監製嘅章子怡，新作《非常幸運》定咗中秋上，要忙宣傳，加埋為咗參加《中國最強音》嘅徒弟仔曾一鳴，同羅大佑開晒拖，周身唔得閒，但佢依然抽空專登飛去上海，出席Moschino時裝騷。
品牌高層安排主禮嘉賓一齊坐，兩鬼一人，開騷前一輪嘴，不知幾好傾。不過，睇show期間章子怡疲態難掩，坐喺位時不時係咁擰，做頸部運動。
能者多勞，果然冇錯！
同品牌外籍高層一齊坐嘅章子怡，開show前先吹水，仲傾到要豎起手指公讚，果然識做。
忙於新戲宣傳，仲要為參加《中國最強音》嘅徒弟曾一鳴賽程而緊張，攰爆章子怡忍唔住擰頸做運動。
