馬國明（馬明）、李詩韻和林夏薇昨日在電視城為無綫劇《寒山潛龍》拜神，稍後大隊將往內地拍外景，馬明被取笑為未來往內地拍劇鋪路，他笑說：「我會周圍識多啲人，最好識多啲靚女，我唔怕緋聞，間唔中有報道先有工作！」
馬國明和林夏薇擺甫士，係威係勢。曹永廉（左）和陳國邦帶埋囡囡到場。
聽聞內地有不少人主動拍門，馬明說：「我之前返內地都有人攝卡片入房門，啲女仔相仲好性感，但我唔敢打電話，我怕放蛇，覺得會貨不對辦，我寧願悶爆，都唔要呢啲調劑。」他自爆極少按摩：「我好怕人摸腰，試過有次同郭晉安去按摩，我全程kit kit kit咁笑，成個感覺好核突，搞到安仔問我發生乜事。」
from:
http://hk.apple.nextmedia.com/entertainment/art/20130621/18306201
