張家輝首次執導的新戲《盂蘭神功》，連日來在馬來西亞取景拍攝，前日他們繼續在吉隆坡一停車場開工，當日是劉心悠在大馬首日開工，但已很快投入角色。家輝好友彭順當日專程探班，家輝見他即笑言：「佢嚟收陀地，畀利是佢就走。」擅拍鬼片的彭順當得知家輝當天開工無上香，即提醒他必須日日上香，祈求拍攝順利。
家輝和劉心悠前日在大馬拍戲，心悠ＢＢ彎身不自覺露輕微事業線。
彭順寸未上香
記者當晚所見，主力拍家輝和心悠的對手文戲，不過可能初次執導的家輝要求高，最少NG八次，彭順見狀又取笑家輝：「佢今日冇上香，如果唔係唔使拍八次。」拍鬼片有否帶護身符？心悠BB表示朋友緊張送給她，但自問是好人，故不擔心。
現場見穿小背心輕露事業線的心悠BB面上生有粒粒，是否很大壓力？她說：「最大問題係我之前拍嗰套戲係講國語，呢套係廣東話，我都要調節吓。」家輝及彭順在場，會否更大壓力？心悠BB笑謂：「我唔知彭順嚟，自己都係搞掂語言先。」她又表示家輝安排專人服侍，令她覺得自己十足皇太后，加上媽咪亦來陪伴，更加開心。由於角色要做大戲，心悠之前更要跟老師上堂學基本做手，令她演得更神似。
心悠BB跟老師學做大戲的基本做手，表現認真。身在吉隆坡的彭順專程探家輝，更叮囑他每日要上香。
from:
http://hk.apple.nextmedia.com/entertainment/art/20130614/18296173
