恭喜！恭喜！現年45歲的陳浩民火速再做人成功，將榮升第二任爸爸，昨日浩民與挺住五個月大肚的27歲太太蔣麗莎（Lisa）、一歲半的囡囡陳雅薷在北角接受本報專訪，宣佈太太腹中懷有男嬰，湊成一個「好」字。浩民前年曾因抽水門事件鬧出風波，如今，一家三口幸福洋溢，一起期待9月出世的新生命。
Lisa與老公平日會暱稱囡囡做a little bit，因發音與其英文名Elizabeth相似。
沒刻意造人
陳浩民說：「冇刻意追仔，仔女都開心，生多幾個仲好，太太好鍾意小朋友。」Lisa則大爆老公鍾意生女，因為夠嗲，她說：「囡囡好可愛，成日同我講嘢，瞓覺前我叫老公，佢又跟住叫老公，爹哋即刻冧到暈咗。」浩民即說：「囡囡好乖又懂事，一啲都唔難湊、我成日都話佢係嚟報恩。」
浩民經常在內地拍劇，妻女則在港居住，他說：「當然會唔捨得，所以會叫老婆多啲帶囡囡嚟探班，或者用視頻同佢哋傾偈。」Lisa則說：「平時囡囡跟我多，但爹哋一返嚟，佢就要跟爹哋，可能係女孩子天性鍾意爸爸，老公最鍾意帶佢去游水。」
陳浩民現時一家三口樂也融融，大家一起等待迎接新生命。浩民的囡囡Elizabeth精靈活潑，跟爸爸一樣像隻馬騮仔。
睇半山豪宅
Lisa表示預產期是9月，會在香港產子，現時已肥了15磅，但今胎一點也不辛苦，沒有嘔吐，只是喜歡吃辣。不過起初懷孕時，Lisa竟懵然不知，還到外地玩驚險遊戲，她說：「我同老公仲去咗新加坡旅行，玩模擬跳降傘遊戲，個效果同高空差唔多，返嚟先知原來有咗個幾月，好彩冇事。」
下月是浩民當爸爸後第二個父親節，他稱屆時要在橫店拍劇，由太太代他慶祝，他說：「做咗爸爸後，責任多咗，壓力大咗，要更加努力搵錢、搵樓又要搵學校，太多嘢煩。」日前浩民被拍到與太太睇西半山6千萬豪宅，浩民說：「因為多咗個小朋友，遲啲又要請多個工人，地方唔夠住。」他稱香港的資源、教育和食物品質較好，故不考慮在內地定居。
from:
http://hk.apple.nextmedia.com/entertainment/art/20130530/18276487
