徐子珊日前在電視城拍無綫新劇《My盛Lady》不小心跌傷入院，幸好檢查後便可以回家。徐子珊昨日在經理人陪同返電視城開工，子珊說：「其實尾龍骨位置仲係有啲痛，自己好似廢人咁休息咗一日，情況都好啲，所以咪小心啲開工，唔想阻礙進度。」
日前拍劇受傷的徐子珊（右），已急不及待於昨日復工。
徐子珊當日跌傷時，目睹過程的黃子華坦言內疚，子珊說：「唔使內疚，又唔關佢事，好多朋友都打嚟安慰我，叫我買番個水泡坐，唔好『哽』親條腰。」據知當晚的戲將要重拍，子珊笑稱可加插受傷戲份，至於會否影響生B？她說：「我嗰日淨係識得爆喊，去到醫院都好似一嚿飯咁冇問到，我會再去覆診，希望冇事。」
from:
http://hk.apple.nextmedia ... 130530/18276578
